İranın yeni prezidenti Həsən Ruhani avqustun 4-də keçirilən andiçmə mərasimindən sonra hökumətində nazir postlarına nəzərdə tutduğu şəxslərin siyahısını İran parlamentinin sədri Əli Laricaniyə təqdim edib.
İran parlamenti bir həftə içində prezidentin nazir postlarına təklif etdiyi şəxslərin səlahiyyətini müzakirəyə çıxaracaq, onlar haqda səsvermə yolu ilə rəy bildirəcək.

Prezidentin siyahısında nazirliklərin rəhbərliklərinə təklif edilən şəxslər bunlardır:

Bijən Zəngənə, neft naziri

Əbdülrza Rəhmani Fəzli, daxili işlər naziri

Əli Təyyibniya, iqtisadiyyat və maliyyə naziri

Mahmud Ələvi, kəşfiyyat (ETTELAAT) naziri

Həmid Çitçiyan, energetika naziri

Hüseyn Dehqan, müdafiə naziri

Məhəmmədrza Nemətzadə, ticarət, mədən və sənaye naziri

Mahmud Höccəti, kənd təsərrüfatı naziri

Əli Rəbii, sosial rifah, əmək və korporasiya naziri

Abbas Axundi, yol və şəhərsalma naziri

Məhəmmədəli Nəcəfi, təhsil naziri

Həsən Haşimi, səhiyyə naziri

Məsud Sultanifərd, idman və gənclər naziri

Məhəmmədcavad Zərif, xarici işlər naziri

Mustafa Purməhəmmədi, ədliyyə naziri

Əli Cənnəti, irşad və mədəniyyət naziri

Mahmud Vaizi, informasiya texnologiyaları və kommunikasiya naziri

Cəfər Meyli Münfərid, ali təhsil naziri.