Türkiyənin Samsun şəhərində zibil qutularında insan meyitinin hissələri tapılıb.

Gundemxeber.Az bildirir ki, zibil qutularının birində tapılan başı bədənindən ayrılmış meyitin beldən aşağı hissəsi və qolları olmayıb.

Meyitin digər hissələri eyni məhəllənin başqa bir zibil qutusundan tapılıb. Meyit ekspertiza üçün morqa göndərilib. Cəsəd parçalarının 40-45 yaşlı kişiyə aid olduğu məlum olub. Onun xarici vətəndaş olması istisna edilmir.

Hadisə ilə bağlı araşdırma aparılır.