İranın İraqdakı ABŞ bazasına endirdiyi raket zərbələri zamanı Birləşmiş Ştatların azı 109 hərbi qulluqçusu xəsarət alıb.

Bu barədə RİA “Novosti”yə Pentaqonun mətbuat xidmətindən bildirilib.

"Bu, son hesabatdakından 45 nəfər çoxdur", - hərbi müəssisədə qeyd edilib.

Mətbuat xidmətinin məlumatına görə, artıq 76 hərbçi vəzifələrinin icrasına qayıdıb. Almaniyaya daha dəqiq müayinə üçün ümumilikdə 27 hərbçi göndərilib. Lakin sonra onlardan 21-i ABŞ-a göndərilib.

Qeyd edilir ki, həkimlər 5 nəfərin səhhətinin müalicəsini davam etdirirlər, 1 nəfər İraqdakı xidmətinə qayıdıb.

Xatırladaq ki, ABŞ yanvarın 3-də Bağdadda İran generalı Qasım Süleymaninin zərərsizləşdirilməsi ilə bağlı əməliyyat keçirib. İran buna cavabında İraqın qərbində ABŞ hərbçilərinin yerləşdirildiyi Eyn-al-Asad bazasına raket zərbələri endirib. Əvvəlcə ABŞ prezidenti Donald Tramp və Pentaqon rəhbərliyi atəş zamanı xəsarət alanın olmadığını bildirirdi.

https://ren.tv/video/embed/645337#autoplay=1;