ABŞ prezidenti Donald Tramp koronavirus pandemiyası dövründə öz vətəndaşlarını əsassız yerə Birləşmiş Ştatlardan gətirməkdən imtina edən dövətlərə qarşı viza sanksiyası tətbiq edəcəyi barədə memorandum imzalayıb.

Gundemxeber.Az xəbər verir ki, sənəddə “belə ölkələrin amerikalıların sağlamlığı üçün qəbuledilməz risk yaratdığı” vurğulanır.

Bununla bağlı olaraq Daxili təhlükəsizlik depertamentinə (nazirlik-red.) ABŞ dövlət katibini bu kimi pozuntular barədə məlumat verməsi tapşırılıb.

Həmin məlumatları alan kimi dövlət katibi bir həftədən gec olmayaraq yeni sanksiyaların tətbiqi və onun icrası ilə əlaqədar plan qəbul etməlidir. Qanunu pozan ölkə öz vətəndaşlarını tamamilə ABŞ ərazisindən çıxardıqdan sonra sanksiyalara son verilir. ABŞ prezidentinin qərarı 2020-ci ilin sonuna qədər qüvvədə qalacaq.

ABŞ prezidenitn yeni aktının şübhəsiz ki, ilk toxunacağı ölkə Rusiya olmalıdır. Rusiya Xarici işlər nazirliyində Birləşmiş Ştatlardan gələn “siqnal”la məşğul olacaqlarını, lakin indi hər hansı sanksiyanın tətbiq edilməsinin “heç yeri olmadığı” bildirilir. Xarici işlər nazirinin müavini Sergey Ryabkovun sözlərinə görə, beynəlxalq birlik sanksiya xarakterli metod və üsulların hazırkı situasiyada neqativ rol oynadığını görür, çünki bu tip tədbirlər ilk növbədə hökumətlərin mövqeyinə deyil, sadə insanların vəziyyətinə təsir göstərir.

Əgər akt həqiqətən icra edilsə Rusiya viza sanksiyasının aid ediləcəyi ölkələrin başında gəlir. Belə ki, Rusiya səfirliyinin özünün rəsmi məlumatına görə, ABŞ-da 2,3 min RF vətəndaşı ölkəyə qayıtmaq istəyir. Lakin Rusiyanın tətbiq etdiyi yeni qaydalara görə bu yaxınlarda Nyu-Yorkdan Moskvaya gələn 402 təyyarədə cəmi 70 sərnişin uçub. Rəsmi Moskva bunu yalnız Moskva və Moskva vilayəti bölgələrində qeydiyyatda olan vətəndaşları qəbul edilməsi ilə izah edib.

“Rosavasiya” dövlət agentliyi isə bunu yeni və qəribə alqoritmlə izah edib: “Xarici ölkədən yalnız Rusiyanın bir şəhərinə və ya bölgəsinə uçuş gerçəkləşdirilə bilər”.