“Vestnik Kavkaza” nəşri dünən -3 sentyabrda ingilis dili variantında Ermənistan Baş naziri NikolPaşinyanın arvadı Anna Akopyanın Qarabağa gəlib silahlı təlim keçməsini təhlil edən məqalə ilə çıxış edib. Moderator.az mətni orijinaldan tərcümə edərək oxucuların diqqətinə çatdırır.

“Dağlıq Qarabağ münaqişəsi bölgəsində ən qəribə hadisələrdən biri yayın son həftəsində baş verdi: 25-31 avqust tarixlərində Azərbaycanın işğal olunmuş ərazilərində, Ermənistan Baş nazirinin həyat yoldaşı Anna Akopyanın başçılıq etdiyi 15 erməni qadın hərbi təlim keçdi.

Əllərində heç vaxt silah tutmayan, həm də “Qadınlar Sülh Naminə” təşkilatına mənsub olan qadınlar, Ermənistan Müdafiə Nazirliyinin elan etdiyi “könüllü silahlı xalq dəstələri” layihəsinə əsasən Anna Akopyan tərəfindən qanunsuz olaraq Ermənistandan işğal altındakı Azərbaycan torpaqlarına aparıldı.
Beləliklə, Nikol Paşinyanın yeni hərbi layihəsinin həyata keçirilməsindəki ilk addım, həyat yoldaşı tərəfindən Azərbaycan bölgələrinin işğalını davam etdirmək üçün nə etməyə hazır olduğunu nümayiş etdirərək edildi: Anna Akopyan bir Kalaşnikov avtomatı və bir snayper silahına sarılıb şərti yaralı işğalçılara ilk tibbi yardım göstərilməklə döyüş taktikalarını yerinə yetirdi.

Həqiqi hərbi əməliyyatdan daha çox təbliğat xarakteri daşıyan bu təlimlərdə Akopyanın qrupu Qarabağın təcrübəli işğalçılarından "dörd" aldı, çünki "Qadınlar Sülh Naminə" nin yalnız beş iştirakçısı daha cəld öldürmə qabiliyyətini mükəmməl şəkildə nümayiş etdirə bildilər. Yəni bir hədəf üzərində 15 saniyə vaxt sərf etdikləri üçün” əla”, qalanları da müsbət qiymətləndirmələr aldılar. Baş nazirin arvadının özü Azərbaycana qarşı təcavüzünə görə hansı qiyməti aldığı barədə veb saytı susur.
Azərbaycan qoşunlarına qarşı müharibə aparmaq üçün təlimlərə başlamaq qərarını şərh edən Anna Akopyan həm özü, həm də "bir çox qadınlar ələ silah almağa, ancaq müharibə üçün deyil, vətənimizi və övladlarımızı qorumaq üçün" hazır olduğunu bildirib. Eyni zamanda, hərbi təlimləri Ermənistan ərazisində aparıla bilərsə, nə üçün qadınları işğal altındakı Azərbaycan torpaqlarında apardığını izah etməyib (Qarabağ, yeri gəlmişkən, nə Paşinyanın arvadının vətənidir, nə də övladlarının yaşayış yeridi).

Bir tərəfdən, aksiyanın mənası bəllidir: Baş nazirin vətəndaşları "könüllü xalq dəstələrinə" ə cəlb etmək və əhaliyə Azərbaycan torpaqlarının işğalına görə heç nədən peşman olmayacağını göstərmək üçün kampaniyaya güclü bir başlanğıc lazımdır. Nikol Paşinyan simvolik olaraq arvadını təmas xəttinə göndərir ... Eyni zamanda, Anna Akopyanın əslində ilk qeydiyyatdan keçən dəstənin başında durmasından narahat deyil. Bu həmçinin onu göstərir ki, baş nazir kişilərə inanmadığı üçün qadınları müharibəyə göndərməyə məcbur olub.

Anna Akopyanın Qarabağda qadınların əlinə silah alıb atəş açması ilə bağlı hekayəsinin əsl mənası Ermənistanın hər bir vətəndaşının cinsindən və yaşından asılı olmayaraq İrəvanın işğal siyasətini dəstəkləməyə hazır olması deyil. Bu həm də o deməkdir ki, təcavüzkar respublikanın münaqişə bölgəsindəki status-kvonu qorumaq üçün resursları tükənir. Arvadını Azərbaycanda müharibə aparmağa göndərən Nikol Paşinyan nizami bir ordu üçün ümidinin olmadığını etiraf etdi.

Gundemxeber.Az