Aksiya iştirakçıları tələblərini və baş nazir Nikol Paşinyana veriləcək möhlətin müddətini onun iqamətgahının qarşısında açıqlayacaqlar.

Yürüşün önündə müxalifətin baş nazir vəzifəsinə namizədi Vazgen Manukyan gedir.

17:22
Yerevanın Azadlıq meydanında “Vətənin Xilası Hərəkatı” müxalifət təşkilatının mitinqi başlayıb.

Məlumatı “Aysor” yayıb.

Meydana 40 mindən çox insanın toplaşdığı bildirilib. Müxalifətin baş nazir postuna vahid namizədi Vazgen Manukyan, keşişlər və başqa siyasi qüvvələr tribunadadır.

Aksiya iştirakçıları “Nikol satqındır!”, “Nikol, get!”, “Nikolsuz Ermənistan!” şüarlarını səsləndirirlər.

Mitinq iştirakçıları istefa tələbi ilə N.Paşinyanın iqamətgahına doğru yürüşə başlayıblar./Report