Rəy sorğuları göstərir ki, Amerika prezidentinin reytinqi son vaxtlarda kəskin şəkildə aşağı düşüb və bu, iqtisadi vəziyyətin pisləşməsi ilə bağlıdır.

Gundemxeber.az bu barədə CNN-ə istinadla xəbər verir. Bununla belə, CNN-in jurnalistinin qeyd etdiyi kimi, bunda müsbət siqnal da var: amerikalılar iqtisadiyyatı yenidən ön plana çəkməyə başlayıblar və bu, ölkənin normal vəziyyətə qayıtması deməkdir.

“ABŞ prezidenti Co Baydenin populyarlığı indi ən aşağı səviyyədədir”, - deyə CNN-in saytında yazılır. Gellap İnstitutunun son sorğularına əsasən onun reytinqi 42%, Kvinnipek Universitetinin mütəxəssislərinin hüsablamalarına görə isə 37% təşkil edir.

Bu göstəricilərin bir çox səbəbi var: hökumətin pandemiya ilə necə mübarizə apardığına inamın azalması, eləcə də qoşunların Əfqanıstandan çıxarılmasından doğan narazılıq. Bununla belə, məqalə müəllifi qeyd edir ki, əsas səbəblərdən biri amerikalıların fikrincə, Baydenin ölkədəki böyük iqtisadi problemlərin həlli ilə tam məşğul olmamasıdır.

Baydenin reytinqi onun iqtisadi siyasətinin bəyənilmə səviyyəsi ilə geniş şəkildə əlaqələlidir. Əgər yayın əvvəlində hər iki göstərici  50%  civarında idisə, indi  40%-ə düşüb. Bu, bir il əvvəl Trampın hələ hakimiyyətdə olduğu dövrdə iqtisadi baxımdan özünü daha pis hiss edən amerikalı istehlakçıların hissləri ilə bağlıdır.

Məqalə müəllifi hazırda amerikalıları narahat edən əsas mənbələri təhlil edib. “Fox News”-un sorğusuna əsasən, respondentlərin 53%-i inflyasiya və yüksək qiymətlərdən son dərəcə narahat olduqlarını bildiriblər. Eyni zamanda, başqa heç bir problem 50%-dən çox səs toplaya bilməyib. Amerikalıların 60%-i Baydenin inflyasiya ilə bağlı kifayət qədər məşğul olmadığı ilə razıdı. Bu da respondentləri narahat edən digər mənbələrlə müqayisədə rekord göstəricidir.

Respondentlərin yalnız 37%-i Bayden komandasının onları narahat edən problemlərlə tam məşğul olduğunu qeyd edib. Müəllif vəziyyəti belə təhlil edir: Baydenin planları əsasən infrastrukturaya aiddir, lakin seçicilərin yalnız 27%-i infrastrukturu onları narahat edən məsələ adlandırıb. İqlimlə bağlı vəziyyət də eynidir. Demokratlar konqresdə iqlim dəyişikliyi ilə mübarizə planını həyata keçirməyə çalışırlar, lakin sorğuda iştirak edənlərin yalnız 35%-i bu məsələnin onlar üçün böyük əhəmiyyət kəsb etdiyini bildirib.

 Qarşıda Virciniya ştatına qubernator seçkiləri gəlir və Baydenin nüfuzu bu posta demokrat namizədin reytinqinə təsir edə bilər.

Amma eyni zamanda məqalə müəllifi qeyd edir ki, iqtisadiyyatın amerikalılar üçün həm milli, həm də yerli səviyyədə bu qədər vacib olması normaldır. Yalnız son beş ildə Tramp administrasiyasının fəaliyyəti və pandemiya səbəbindən iqtisadiyyat ikinci plana keçmişdi. İndi, Bayden administrasiyasının 9 aylıq fəaliyyətindən  sonra, sorğu göstəriciləri siyasətin yenidən normal yola qayıtmasını sübut edir.

GUNDEMXEBER.AZ