“Qarabağın Daşaltı kəndindəki Azərbaycan postuna hücuma paralel olaraq bu gün İrəvanda bir erməni çıxış edərək bildirdi ki, ruslar terror törətmiş şəxsi Azərbaycana təhvil versələr, Rusiya səfirliklərini partladacağıq. Nəzərə almaq lazımdır ki, ermənilər 100 illərdir terror aktları ilə məşğul olublar, terrorçulardır. Odur ki, biz hər an terror aktları ilə qarşılaşa bilərik və belə hallara hazır olmalıyıq”.

GUNDEMXEBER.AZ  bildirir ki, bunu Reyting.az-a hərbi analitik Azad İsazadə bu gün Şuşa yaxınlığındakı Daşaltı kəndində terrorçu erməninin Azərbaycan Ordusunun postuna hücumundan danışarkən deyib.

Hərbçi mütəxəssis bildirib ki, ermənilərin real müqavimət göstərməyə, real iqtisadi inkişafa gücləri çatmır: “Habelə onların Qarabağdakı əraziləri əhali ilə doldurmaq üçün real imkanları da yoxdur. Nə demoqrafik baxımdan, nə də iqtisadi güc və maliyyə-hərbi baxımından. Bu gün heç onların siyasi nüfuzları da yoxdur. Deməli, hələlik bunların gücü belə kiçik təxribatlara çatır. Qarşısını almasaq, belə təxribat-terror hərəkətləri daha da artacaq. Odur ki, bu kimi hallara qarşı tədbirli davranmalıyıq”.

A. İsazadə əlavə edib ki, erməni təxribatçılarının qarşısını almaq üçün yalnız Azərbaycanın müvafiq strukturlarını nəzərdə tutmur: “Burada söhbət həm də ərazidə olan rus sülhməramlılardan gedir. Həmin Azərbaycan postuna hücum edən şəxs mərmi ilə birlikdə ölkəmizin ərazisinə Laçın dəhlizindən gəlib. Deməli, həmin terrorçu qumbaranı da Ermənistandan gətirib. Buradan çıxan nəticə budur ki, Laçın dəhlizi ilə gələn avtomobillər yoxlanılmalıdır”.

A. İsazadə qeyd edib ki, ermənilər tərəfindən belə təxribatlar həmişə gözlənilir: “Biz anlayırdıq ki, bu kimi təxribatlar hər an ola bilər. Deyəsən, bunlar başlarını qaldırmağa çalışırlar”.

Hərbi ekspert diqqətə çatdırıb ki, bu gün azərbaycanlılar üçün Azərbaycan ərazisi ən təhlükəsiz yer olsa da, ermənilər soydaşlarımıza qarşı terror-təxribat hərəkətlərini Avropada və başqa ölkələrdə də törədə bilərlər. Bu səbəbdən səfirliklərimiz də ehtiyat tədbirləri görməlidir. 

GUNDEMXEBER.AZ