Dünyada Rusiyaya nifrət edən 8 məşhur – 8 SƏBƏB

Gundemxeber.az » Dünya » Dünyada Rusiyaya nifrət edən 8 məşhur – 8 SƏBƏB

Dünyada Rusiyaya nifrət edən 8 məşhur – 8 SƏBƏB

Tarix: 14-12-2021, 19:24 Bölmə :Dünya Baxış: 539

Siyasəti, hətta yaradıcılıqdan söhbət gedəndə belə, ikinci plana keçirmək olmaz. Getdikcə daha çox insan öz mövqeyini ifadə edir və öz ölkəsindən kənara çıxır, beynəlxalq qalmaqalları şərh edir. Rusiyaya gəldikdə Qərb köhnəlmiş baxışları və adi rejimi sarsıtmağa çalışan hər kəsə qarşı təcavüzü dəstəkləmir.

Qaynarinfo bu yazıda Rusiya əleyhinə çıxış edən və ya o ölkəyə gəlməkdən açıq şəkildə imtina edən ulduzları təqdim edir.

Şer

2014-cü ildə Soçidə keçirilən Olimpiya Oyunlarında erməni əsilli müğənni Şerə (Şerilin Sarkisyan) səfir rolu təklif olunub, lakin o, siyasi səbəblərə görə bundan imtina edib. Macleans-a verdiyi müsahibədə Şer deyib: "Adları açıqlaya bilmərəm, amma dostum yerli oliqarxın adını söylədi və məndən Olimpiadanın səfiri olmaq və şounu açmaq istəyib-istəmədiyimi soruşdu. Mən dərhal yox dedim”. Sənətçi qeyri-ənənəvi birliklərin qadağan edilməsinə qarşıdır və vəziyyət dəyişməyincə Rusiyaya konsertlərlə gəlmək fikrində deyil.

Madonna

"İndependent” yazır ki, Madonna 2013-cü ildə "hökumətin "homoseksual davranışı təbliğ etdiyinə görə həbs ediləcəyini" elan etməsinə baxmayaraq, nümayişkəranə şəkildə meydan oxuyaraq Rusiyada bir sıra konsertlər verdiyini açıqladıqdan sonra özünü "azadlıq mücahidi" adlandırıb. 2013-cü ilin noyabrında müğənni rus dilində "Sevgi nifrətə qalib gəlir” yazılmış köynəkdə fotosunu nümayiş etdirməklə İnsan Hüquqları Kampaniyasına dəstək verib. "Rusiya və Olimpiya Komitəsi Soçi 2014-də vəziyyəti dəyişmək üçün birlikdə çalışmalıdır... Ayrı-seçkiliyə dözmək olmaz!" - o, postun altında yazıb.

Elton Con

Özünün gey olduğunu nəzərə alsaq, biganə qala bilməyəcəyini əsas gətirərək eyni kampaniyanı kult müğənnisi də dəstəkləyib. O, 2013-cü ildə Rusiyada bir sıra şouları boykot edib və bundan sonra nə olacağını bilmədiyini, lakin mövqeyinə sadiq qalmağı planlaşdırdığını söyləyib.

Ledi Qaqa

Ledi Qaqa da həmin məsələ ilə bağlı mövqeyini açıqlayıb. "Yeniyetmələrin üzərinə bibər qazı püskürtmək? Əzmək? Rusiya ana dedikləri budur?” - o tvitində qeyd edib.

Selena Qomez

2016-cı ilin sentyabrında Rusiya hakimiyyəti müğənniyə viza verməkdən imtina edib və o, iki - Sankt-Peterburqdakı Buz Sarayında və Moskvadakı Olimpiya Stadionundakı konsertini ləğv etmək məcburiyyətində qalıb. Rəsmilər müğənninin vizasını ləğv etməsinə səbəb kimi çıxışları zamanı LGBT əleyhinə qanunlara qarşı çıxış etmək planlarını göstəriblər.

Cennifer Lourens

2017-ci ildə "Ana!” filminin premyerasında Londonda Hollivud aktrisası Rusiya mətbuatına şərh verməkdən imtina eləyərək jurnalistlərə zaldan çıxarmağı xahiş edib. O, hərəkətini siyasi səbəblərlə izah etsə də, konkret problemin adını çəkməyib. Bir il əvvəl aktrisa xarici müxbirə də kobud davranıb, ona sual verərkən telefona baxmamağı, "anı yaşamağı" tövsiyə edib. Sonra İnternetdə insanlar jurnalistin sualları oxumaq üçün telefona ehtiyacı olduğunu bildirərək onu tənqid ediblər - çoxları onun ingilis dilini o qədər də yaxşı bilmədiyini hesab edir.

Cim Kerri

Amerikalı yumorist 2016-cı il ABŞ seçkilərindən sonra Rusiyaya qarşı cəbhə alıb. Cim Facebook-un "Rusiyanın seçkilərimizə müdaxiləsindən qazanc əldə etməsi” səbəbindən səhifəsini silib və şirkətdəki payını satmaq qərarına gəlib. Onun postu "Fakebook" başlığı altında şəkil ilə müşayiət olunub. Kerri həmçinin #UnfriendFacebook həştəqini də işə salıb.

Morqan Friman

Hollivud ulduzu Morqan Friman 2016-cı il ABŞ seçkiləri zamanı Kremli Amerika demokratiyasına hücumda ittiham edən videoçarxda rol alıb. Klip Rusiya hökumətinin seçki prosesinə müdaxiləsi ehtimalını araşdıran ABŞ dövlət qurumu tərəfindən hazırlanıb. Prezidentin mətbuat katibi Dmitri Peskov bildirib ki, Kreml filmi ciddi qəbul etmir, çünki onun ittihamları "əsassız və son dərəcə emosionaldır”. O, Hollivud ulduzlarının "emosional manipulyasiyasını” 1950-ci illərin Makkartiçilərinin anti-kommunist kampaniyaları ilə müqayisə edərək: "Bir çox yaradıcı insanlar asanlıqla emosional stresin qurbanı olur və işlərin real vəziyyəti haqqında heç bir real məlumata malik olmurlar”, - deyib.

GundemXeber.Az