Bu sual hələ də postsovet cəmiyyəti üçün açıq qalır. Çünki 1941-45-ci illərdə həmin arealda milyonlarla insan faşizm cinayətlərinə məruz qalıb.

Nasist təfəkkürünə xidmət edən erməni Nijde isə nəinki azərbaycanlıların, rusların, ukraynalıların, belarusların, polyakların, yəhudilərin və daha neçə millətin nümayəndələrinin məhv edilməsinə hökm verənlərdən biri olub.
İndi isə geopolitik durumun kəskinləşdiyi bir dönəmdə erməni ideoloqları qarışıqlıq fürsətindən istifadə edərək, Nijdeni qəhrəman kimi cəmiyyətlərə sırımaq fikrinə düşüblər.
Bu məsələdə Rusiya Ermənilər İttifaqı xüsusi fəaldır və bu günlərdə Nijdenin “qəhrəmanlığından” bəhs edən film yayınlamağa çalışıblar. Amma nədənsə Moskva bu məsələyə susqunluq nümayiş etdirir.
Rus cəmiyyətində məsələni diqqətdə saxlayan ziyalılar isə var.
Gundemxeber.az Bizim.Media-ya istinadla xəbər verir ki, onlardan biri, rusiyalı politoloq Sergey Markov yazır:
“Yanvarın 28-də Moskvada polis nasizmi reabilitasiya etmək cəhdini dayandırdı. Rusiyanın düz ürəyində - Moskvada nasist cinayətkarlarını vəsf edən film nümayiş etdirilməyə cəhd edilib. Amma filmin ortasında zala daxil olan polis nümayişi dayandırıb. Nasizmin tərənnüm edilməsinin qarşısının alınması ilə bağlı qanunun pozulması ilə bağlı prokurorluğun qərarı oxunub və seans yarımçıq kəsilib”.
Markov sosial şəbəkə postunun davamında bildirib ki, bu dəfəki nasizm təbliğatını Navalni tərəfdarları yox, məhz Rusiya erməniləri gerçəkləşdirməyə çalışıblar.
Film nasist cinayətkarı Qaregin Njdeyə həsr olunub:
“Rusiya Erməniləri İttifaqı yenidən onu qəhrəmanlaşdıran film nümayiş etdirməyə cəhd edib. Buna qədər Rusiyanın Armavir şəhərində nasist cinayətkarı Njdenin şərəfinə xatirə lövhəsi açmaq istəyiblər. Njdenin günahı dəfələrlə sübuta yetirilib. Rusiya Müdafiə Nazirliyi və Rusiya Xarici İşlər Nazirliyi dəfələrlə Njdenin diversantlar hazırladığını və onları təxribat, terror aktları törətmək üçün ordumuzun arxasına göndərdiyini sübut edən sənədlər dərc edib.
Rusiyada nasist cinayətkarı Njdenin şərəfinə ucaldılmış bütün abidələrin sökülməsini tələb edirlər. Təəssüf ki, belə “heykəllərin” sayı çoxdur. Bu qatı terrorçunun təriflənməsinə son qoyulmalıdır”.
Rusiyanın “Milli Müdafiə” jurnalının baş redaktoru, politoloq İqor Korotçenko da Njde filmini qınayan silsilə paylaşımlar edib. Onun daha sərt ismarıcını təqdim edirik:
“Nasist əməkdaşı Njdeni “qəhrəman” hesab edən və onun sovet xalqına qarşı cinayətlərinə açıq şəkildə bəraət qazandıran rus soyadlı bir neçə personaj müasir vlasovçulardır. Böyük Vətən Müharibəsi illərində belə insanlar hərbi tribunalın hökmü ilə asılmışdılar. Bu gün onlar nasizmin reabilitasiyasına görə məsuliyyətə cəlb olunmalıdırlar”. 

GUNDEMXEBER.AZ