Avropa Yenidənqurma və İnkişaf Bankı (AYİB) Ukrayna hadisələrindən zərər çəkmiş şəxlərə, şirkətlərə və ölkələrə yardım üçün 2 milyard avroluq ilkin paket elan edib.

Bu barədə maliyyə qurumunun çərşənbə günü yaydığı məlumatda deyilir.

Bildirilir ki, AYİB-in Ukraynadakı fəaliyyəti dörd sütun üzərində cəmləşəcək: Ödənişlərin təxirə salınması, borcların bağışlanması və restrukturizasiyası, yanacaq idxalı da daxil olmaqla, ticarətin maliyyələşdirilməsi, fövqəladə likvidliyin maliyyələşdirilməsi və islahatlara təcili dəstək.