Mətbuatda Kataloniyanın müstəqilliyi tərəfdarlarının 60-dan çoxunun “NSO Group” tərəfindən hazırlanmış “Pegasus” proqramı vasitəsilə kibercasusluğun qurbanı olması ilə bağlı xəbərlərin yayılmasından sonra ölkədə polemika yaranıb.

İspaniyanın Baş naziri Pedro Sançes və müdafiə naziri Marqarita Roblesin telefonları “Pegasus” casus proqramından istifadə edilərək sındırılıb. Bu barədə bazar ertəsi keçirilən mətbuat konfransında Baş Nazirlik Aparatının rəhbəri, Məhkəmələr və Tarixi Yaddaş naziri Feliks Bolanos bildirib.

“Hökumət Milli Kriptologiya Mərkəzinin iki texniki hesabatı barədə ədliyyə orqanlarını xəbərdar edib. Belə ki, baş nazirin və müdafiə nazirinin cib telefonları “Pegasus” - telefona daxil olmaq imkanı verən proqram vasitəsilə sındırılıb”, – deyə o qeyd edib.  

“2021-ci ilin may ayında baş nazirin cib telefonuna iki, 2021-ci ilin iyununda isə müdafiə nazirinin mobil telefonuna bir müdaxilə olub”, – deyən Bolanos bunun xarici hücum olduğuna əmin olduqlarını ifadə edib.

Gundemxeıber.az