ABŞ prezidenti Co Bayden koronavirus pandemiyasının arxada qaldığını bildirib.

Bu barədə o, CBS telekanalına müsahibəsində danışıb.

“Pandemiya bitdi. Ancaq hələ də COVID ilə problemimiz qalıb. Hazırda bunun üzərində çox işləyirik... Fikir versəniz, heç kim maska taxmır. Görünür, hamı yaxşı vəziyyətdədir” deyə o, qeyd edib.

“Politico” mənbələrə istinadən yazır ki, Ağ Evin səhiyyə rəsmiləri ABŞ prezidenti Co Baydenin koronavirus pandemiyasının sona çatması ilə bağlı açıqlamasına təəccüblənib.

Mənbələrə görə, Amerika liderinin pandemiyanın sona çatması ilə bağlı açıqlaması CBS televiziyasına müsahibəsi çərçivəsində planlaşdırılmayıb.

GUNDEMXEBER.AZ