Əfqan Taliban qüvvələri bazar günü Pakistanda sərhəd qəsəbəsində "təxribatsız" bomba və atışma nəticəsində altı dinc sakini öldürüb, ən azı 17 nəfəri yaralayıb.

GundemXeber.Az Pakistan mediasından əldə etdiyi məlumatda bildirilir ki, Taliban sərhəd qüvvələri dekabrın 11-də sərhəddəki Çaman qəsəbəsini artilleriya atəşinə tutub.

Bazar günü Çamana hücumu Pakistan hərbçiləri qınayıb və Əfqanıstan tərəfinin “ayrı-seçkilik etmədən atəş açdığını” bildirib.

Pakistan qüvvələri cavab zərbəsi endirib. Bir əfqan əsgəri həlak olub.

Böyük sərhəd keçidində qarşıdurmanın nədən qaynaqlandığı məlum deyil.

  Lakin bu, keçən il Taliban Əfqanıstanda nəzarəti bərpa etdikdən sonra qonşu ölkələr arasında təhlükəsizlik məsələləri ilə bağlı gərginliyin artması fonunda baş verir.

Pakistanın baş naziri Şehbaz Şərif deyib ki, Əfqanıstanın hərəkəti “ən güclü qınamağa layiqdir”.

“Reuters” xəbər agentliyinə istinadən Əfqanıstan təhlükəsizlik mənbələri bildiriblər ki, insident Pakistanın Əfqanıstan sərhəd qüvvələrinin öz sərhədlərində nəzarət-buraxılış məntəqəsi tikməyi dayandırmasını tələb etməsindən sonra baş verib.

Bu arada AFP xəbər agentliyinin anonim Əfqanıstan hökumət rəsmilərinə istinadən verdiyi məlumata görə, gərginlik əfqan qüvvələrinin sərhəddəki hasarın bir hissəsini kəsməyə cəhd etməsindən sonra alovlanıb.

2017-ci ildən Pakistan sərhəd boyu nəhəng hasar tikir - həm keçən il hakimiyyəti ələ keçirən Taliban, həm də əvvəlki Əfqanıstan hökuməti buna etiraz edirdi.

Gundemxeber.az