Rusiya prezidenti Vladimir Putin cümə axşamı Bryansk vilayətində baş verənləri terror aktı adlandırıb.

GUNDEMXEBER.AZ xarici KIV-ə istinadla bildirir ki, videokonfrans vasitəsilə “Müəllim və tərbiyəçi ili”nin açılış mərasimində dövlət başçısı rayonda baş verənləri “növbəti terror aktı, növbəti cinayət kimi” qiymətləndirib.

"Onlar sərhəd zonasına daxil olub, orada dinc əhaliyə atəş açıblar. Gördülər ki, mülki avtomobildir, orada mülki vətəndaşlar və uşaqlar oturub. Adi "Niva"".

“Məhz bu insanlar bizi tarixi yaddaşımızdan, tarixlərimizdən, adət-ənənələrimizdən, dilimizdən məhrum etməyi qarşılarına vəzifə kimi qoyublar”, - Putin vurğulayıb.

O, həmçinin görkəmli pedaqoq Konstantin Uşinskidən sitat gətirib, o, “xalqın dilini xalqın əlindən almaq, nəsilləri bir böyük tarixi canlı bütövlükdə birləşdirən çox möhkəm bağı kəsmək cəhdlərini dözülməz zorakılıq kimi qiymətləndirdi”.

“Bu zorakılığı, bu cinayəti məhz indi adlarını çəkdiyim neonasistlər və onların sahibləri törədirlər”, - Rusiya Federasiyasının prezidenti bildirib.

“Ancaq bir daha təkrar edirəm: onlar bacarmayacaqlar, biz onları sıxacağıq”, - Putin vurğulayıb.

Cümə axşamı günü səhər saatlarında FSB Bryansk vilayətinin sərhəd bölgəsində silahlı ukraynalı radikalları məhv etmək üçün tədbirlər görüldüyünü bildirmişdi.

“Bryansk vilayətinin sərhəd Klimovski rayonunda Rusiya FTX və Rusiya Federasiyası Müdafiə Nazirliyinin ona bağlı qüvvələri dövlət sərhədini pozmuş silahlı ukraynalı millətçilərin məhv edilməsi üçün tədbirlər görür”, - deyə təhlükəsizlik xidməti bildirib.

Bryansk vilayətinin qubernatoru Aleksandr Boqomaz Klimovski rayonunda ukraynalı diversantlar tərəfindən avtomobilin atəşə tutulması barədə məlumat verib.

"Bu gün DRQ (diversiya-kəşfiyyat qrupu - İ.F.) Ukraynadan Klimovski rayonunun Lyubeçane kəndi ərazisinə daxil olub. Təxribatçılar hərəkətdə olan avtomobili atəşə tutublar. Atışma nəticəsində bir (yerli - İF) sakin öldü, on yaşlı uşaq yaralandı”, - Boqomaz teleqram kanalında yazıb.

Qubernatorun sözlərinə görə, uşaq xəstəxanaya göndərilib, həkimlər ona kömək edirlər.

GUNDEMXEBER.AZ