Bəzi rəsmilər İranda son aylar minlərlə məktəbli qızın xəstələnməsinin zəhərlənmə ilə bağlı olduğunu iddia edib.

Rəsmilər ilk dəfə noyabr ayında ortaya çıxan şübhəli zəhərlənmələrlə bağlı xəbərlərə məhəl qoymayıb. Lakin xəstələrin sayının artmasından sonra son həftələr ictimai təzyiqlərə məruz qalıb.

Martın 7-də hökumət zəhərlənmələrdə şübhəli bilinən beş nəfərin həbs edildiyini bəyan edib. Həbslər ali dini rəhbər Ayətulla Əli Xameneinin "tələbələrin zəhərlənməsi sübuta yetirilərsə, bu cinayətin arxasında duranlar [ölüm] cəzasına məhkum edilməlidir" deməsindən bir gün sonra baş verib.

İranın Səhiyyə Nazirliyinin martın 7-də bildirdiyinə görə, tələbələrin təxminən 10 faizi naməlum maddənin təsirinə məruz qalıb. Nazirlik hadisələrin böyük əksəriyyətinin "narahatlıq" doğurduğunu bildirib.

Şübhəli zəhərlənmələr sentyabr ayında başlayan və aylardır davam edən etiraz aksiyaları ilə üzləşən İranın ruhani rejiminə qarşı yeni böhrandır. Son zamanlar artan inflyasiya və pisləşən iqtisadiyyatla bağlı nümayişlər də keçirilib.

Şübhəli zəhərlənmələrlə bağlı hökumətə qarşı ictimaiyyətin reaksiyası rejimə dərin inamsızlığı vurğulayıb. Bəzi iranlılar hökuməti zəhərlənmələri etiraz aksiyalarında iştirak etdiklərinə görə qızlara qarşı qisas aktı olaraq ittiham edib. Hökumət bu ittihamı rədd edib.

Ayətulla Əli Xameneyi xəstəlik dalğasını "əfv edilməyən cinayət" adlandırıb və bu işdə əli olanların "ağır şəkildə cəzalandırılacağına" söz verib.

Gundemxeber.az