Kremlin də nəhəng «Louis Vitton» çemodanının yığışdırılmasını tələb etdiyi bildirilir

Dünya Məşhur «Louis Vitton» brendinin 150-illiyi münasibətilə Moskvanın mərkəzindəki Qızıl Meydanda qoyulan «Louis Vitton» çemodanı şəhər sakinlərini və siyasətçilərin narazılığına səbəb olub. ANS PRESS-in məlumatına görə, şəhər sakinləri arasında çemodanın qoyulması üçün uğurlu yerin seçilmədiyini düşünənlər az deyil.

«Çox yersizdir, ən azından, bura Qızıl Meydan olduğu üçün. Bizim nəsil üçün bu, müqəddəs yerdir, buranı təsvir etmək üçün heç bir söz kifayət etmir. Ona görə də xoşuma gəlmir. Amma başqa yerdə buna tamaşa etməyə şad olardım bəlkə də, amma burada yox, yersizdir.» - Lyudmila Volkova adlı Moskva sakini belə deyir.

Bəziləri isə çemodanın xeyriyyə məqsədilə nümayiş etdirilməsinə diqqət çəkmək istəyirlər. «Çemodan lap düzgün yerə qoyulub. O, əlil uşaqlar üçün vəsait toplamaq məqsədilə hazırlanıb. Bir yerdə ki, pul yığmaq var, qoy istədikləri hər şeyi reklam etsinlər. Hökumət əlil uşaqların valideynlərinə onların uşaqları üçün vəsaitin olmadığını deyir. Fərqi yoxdur burada çemodan olsun ya da qar yığını, mühüm olan odur ki, pul toplanır və bu, heç kimi narahat etmir.» - deyə, Moskva sakini Pyotr İluşkin bildirib.

Kremlin də nəhəng «Louis Vitton» çemodanının yığışdırılmasını tələb etdiyi bildirilir. 9 metr hündürlüyündə və 30 metr uzunluğunda olan çemodanı Qızıl Meydana qoyan ticarət mərkəzinin rəhbərliyi isə tənqidləri nəzərə alaraq, çemodanı oradan götürməyə qərar verdiyini açıqlayıb.