İsrail və Yunanıstan Afina tərəfindən 400 milyon dollar dəyərində İsrailin "Spike" tank əleyhinə idarə olunan raketlərinin (ATGM) alınmasına dair razılığa gəliblər.

GUNDEMXEBER.AZ xarici mediaya istinadla bildirir ki, müqaviləni İsrail tərəfdən imzalayan İsrail Müdafiə Nazirliyinin baş direktoru Eyal Zamir, "Yunanıstan Respublikası ilə bu razılaşma İsrail və Yunanıstan arasında strateji tərəfdaşlığın növbəti nümayişidir" dedi.

Afinanın əldə etdiyi, Rafael Advanced Defense Systems tərəfindən istehsal olunan raketlərin sayı göstərilmir.

Nəşr qeyd edir ki, İsrail Müdafiə Nazirliyinin məlumatına görə, Spike ATGM-ləri artıq 40-a yaxın ölkəyə, o cümlədən 19 Aİ və NATO ölkəsinə çatdırılıb. Ümumilikdə 34 mindən çox raket ixrac edilib.

Rafael Advanced Defense Systems bildirib ki, raketlər 45 müxtəlif daşıyıcıdan - yerdə, havada və dənizdə buraxıla bilər. Bir vertolyotdan raket buraxılması halında, onun uçuş məsafəsi 50 km-ə qədər olacaq.

Keçən həftə Yunanıstanın müdafiə departamentinin rəhbəri Nikos Panaqiotopulos demişdi ki, Ukraynaya dəstək verən Yunanıstan öz müdafiə qabiliyyətini sarsıtmayacaq.

GUNDEMXEBER.AZ