Gundemxeber.az » Dünya » NATO konsepsiyası dəyişir: artıq Rusiya hücum edərkən reaksiya ayrı cür olacaq - NYT
NATO konsepsiyası dəyişir: artıq Rusiya hücum edərkən reaksiya ayrı cür olacaq - NYT
Rusiyanın Ukraynaya genişmiqyaslı müdaxiləsi Alyansı öz döyüş qabiliyyətini Soyuq müharibə səviyyəsinə qaytarmağa, eləcə də şərq sərhədlərində çəkindirmə konsepsiyasına yenidən baxmağa sövq etdi.
Gundemxeber.az xəbər verir ki, bu barədə "The New York Times” yazır.
NATO "qisasla çəkindirmə” (deterrence by retaliation) konspesiyasından "imkan verməməklə çəkindirmə” (deterrence by denial) konsepsiyasına keçir.
Əvvəllki konsepsiyaya görə, Rusiyanın işğalı halında üzv dövlətlər müttəfiq qüvvələrin, əsasən də ABŞ-ın onların köməyinə gəlib rusiyalıları geri atana qədər duruş gətirməli idilər.
Lakin Rusiyanın Ukraynanın işğal olunmuş ərazilərində törətdiyi cinayətlərdən sonra Polşa və Baltikyanı ölkələr artıq öz ərazilərinin millimetrini belə Rusiya tərəfindən işğalına icazə vermək istəmirlər. Həqiqətən də, Ukraynaya hücumun ilk günlərində Rusiya qoşunları Baltikyanı ölkələrin bəzilərindən daha böyük əraziləri ələ keçirdi.
"İmkan verməməklə çəkindirmə” isə əksinə, müttəfiq qoşunlarının Rusiya Federasiyası ilə sərhədə yaxın ərazilərdə daimi yerləşdirilməsi, ABŞ və müttəfiqlərin hərbi planlarının daha geniş inteqrasiyası, yüksək hərbi xərclər və lazım gəldikdə döyüş əməliyyatları aparmaq üçün müttəfiqlərin xüsusi növ qüvvə və vasitələrin olması üçün daha ətraflı tələblər deməkdir.
"Məqsəd NATO qüvvələrini nəinki daha güclü və döyüşə hazır, həm də çəkindirmənin əsas elementi olan Rusiya üçün daha görünüşlü etməkdir”, - NYT yazır.
"İmkan verməməklə çəkindirmə” konsepsiyasının praktiki təsirlərindən biri Avropadakı müttəfiq qüvvələrin Baş Komandanı, eyni zamanda Avropadakı ABŞ qüvvələrinə komandanlıq edən general Kristofer Kavolinin artan roludur.
Soyuq müharibədən bəri ilk dəfə belə yüksək səviyyəli NATO rəsmisi ABŞ və müttəfiqlərinin dənizdə, havada, kosmosda və kiberməkanda müharibə planlarını bir araya gətirir, - "The New York Times"a NATO-nun adının açıqlanmasını istəməyən yüksək rütbəli rəsmisi bildirib.
Onun sözlərinə görə, Şərqi Avropa ölkələri NATO-nun onları qorumaq üçün nə etmək niyyətində olduğunu dəqiq biləcəklər. Həmçinin, Alyans müdafiə planlaması üçün tələbləri sərtləşdirəcək və müttəfiqlərin təhlükəsizliyini təmin etmək üçün zəruri olan müəyyən hərbi bölmələrin yerdəyişməsini qadağan edə bilər.
Şimali Atlantika Alyansının müdafiə qabiliyyətinin gücləndirilməsi çərçivəsində iyulda keçiriləcək NATO-nun növbəti sammitində yeni xərclər planı razılaşdırılacaq - müdafiə üçün ÜDM-in ən azı 2%-i. NATO rəsmisi bildirib ki, Alyans regionda ÜDM-in 2,5-3%-i həcmində xərcləri kifayət qədər hesab edir.
GUNDEMXEBER.AZ
Oxşar yazılar :
-
-
NATO Baltikyanı ölkələrdə və Polşada 4 tabor ...
8-07-2016, 23:31
-
NATO-nun Ukraynada hərbi əməliyyatları ...
27-03-2014, 09:33
-
Baltikyanı ölkələrin böyük və qorxunc qonşunun ...
24-07-2017, 10:30
-
Rusiyanın Ukraynaya qoşun yeritməsinə icazə ...
1-03-2014, 21:11
-
Saakaşvili: Rusiyanın növbəti qurbanları NATO ...
18-03-2019, 11:18
Sorğu
Hansı bölmədə daha çox xəbər görmək istərdiniz?