Gundemxeber.az » Dünya » İsveçrə Bundestaqda Ukraynadakı neytrallığına görə tənqid edildi
İsveçrə Bundestaqda Ukraynadakı neytrallığına görə tənqid edildi
Bundestaqın Xarici siyasət komitəsinin sədri, Almaniya Sosial Demokrat Partiyasından olan Mixael Rot İsveçrəni Ukraynaya qarşı neytrallığına görə tənqid edib.
Gundemxeber.az xarici mediaya istinadən xəbər verir ki, Almaniyanın Redaktionsnetzwerk Deutschland (RND) nəşrinə verdiyi müsahibədə o, Bernin mövqeyinin "yalnız Moskvanın əlində oynadığını" deyib.
Siyasətçi həmçinin İsveçrə silahlarının alınmasını dayandırmağa çağırıb, çünki Bern digər ölkələrə İsveçrə şirkətlərinin istehsal etdiyi hərbi məhsulları Kiyevə verməyi qadağan edir. Maykl Rotun müsahibəsi İsveçrə prezidenti Alen Bersetin Almaniyaya səfəri ilə eyni vaxta təsadüf edib. O, aprelin 18-də Berlinə gedib.
Bundestaqın Xarici siyasət komitəsinin sədri İsveçrə hakimiyyətini Almaniya, İspaniya və Danimarka kimi ölkələrə İsveçrə istehsalı olan silah və sursatların Ukraynaya ötürülməsinə icazə verməyə çağırıb.
"İsveçrə bununla razılaşmaqdan imtina edir. Gələcək hərbi əməkdaşlıqda bu davranışı nəzərə almaq lazımdır. Mən başa düşmürəm ki, biz niyə İsveçrədən silah almalıyıq”, - deyə o, RND-yə bildirib
Bundestaqın Müdafiə Komitəsinin və Azad Demokrat Partiyasının sədri Mari-Aqnes Ştrak-Tsimmerman RND-yə müsahibəsində oxşar ritorika ilə danışıb. O, konfederasiyanı Ukraynanı silahlandırmaq və dəstəkləmək məsələsində mövqeyini dəyişməyə çağırıb.
"İsveçrə tarixin hansı tərəfində olmaq istədiyinə qərar verməlidir", - deyə deputat bildirib.
Bu arada İsveçrə prezidenti Alen Berset ölkəsinin Rusiya əleyhinə bütün sanksiyalara qoşulduğunu xatırladıb.
"Biz sanksiyalar qəbul etmişik və təbii ki, buna çox ciddi yanaşırıq. Biz onları tam şəkildə həyata keçirmək üçün mümkün olan hər şeyi edirik", - İsveçrə prezidenti bildirib.
Xatırladaq ki, daha əvvəl G7 ölkələri İsveçrəni anti-Rusiya sanksiyalarından yan keçmək üçün boşluqlara görə tənqid ediblər. Bern bu iddiaları əsassız adlandırıb.
Oxşar yazılar :
-
-
İsveçrə bankının azərbaycanlıya 75 milyon dollar ...
23-07-2013, 23:22
-
İsveçrə rəsmisi: “SOCAR-a minnətdarıq” ...
21-10-2019, 11:17
-
İsveçrə millisindən 67 il sonra ilk ...
29-06-2021, 11:33
-
İsveçrə Atatürk hava limanına uçuşları dayandırdı ...
30-06-2016, 11:48
-
İlham Əliyev İsveçrə hökumətinin nümayəndəsini ...
9-07-2018, 11:36
Sorğu
Hansı bölmədə daha çox xəbər görmək istərdiniz?