Co Bayden administrasiyası və parlament milli borc tavanının artırılması ilə bağlı razılığa gələ bilməsələr, ölkə maliyyə və iqtisadi xaos riski ilə üzləşəcək.

Gundemxeber.az xarici mediaya istinadla bildirir ki, bunu ABŞ-nin maliyyə naziri Canet Yellen bildirib.

Onun sözlərinə görə, ABŞ hakimiyyəti defoltdan qaçmaq üçün artıq fövqəladə tədbirlər görüb, lakin gələcəkdə dövlət borcunun tavanını artırmaq lazım gələcək.

O qeyd edib ki, borc tavanı ilə bağlı müsbət qərarın olmaması maliyyə və iqtisadi xaosa səbəb olacaq.

Xatırladaq ki, ABŞ Konqresinin üzvləri bu yaxınlarda ölkəyə dövlət borcu üzrə ödənişləri vaxtında həyata keçirməyə imkan verəcək borc tavanı ilə bağlı ümumi mövqe hazırlamağa çalışsalar da, danışıqlar dalana dirənib. Mayın 9-da prezident Co Bayden Konqresin məsələ ilə bağlı hər iki palatasının Demokrat və Respublikaçı liderləri ilə görüşəcək.

Gundemxeber.az