İrlandiyanın Məlumatların Mühafizəsi Komissiyası ABŞ-nin “Meta Platforms” şirkətini istifadəçilərin şəxsi məlumatlarının Avropa İttifaqından (Aİ) ABŞ-yə ötürülməsinə görə cərimələyib.
Gundemxeber.az xarici mediaya istinadla bildirir ki, cərimənin məbləği rekord rəqəm - 1,2 milyard avro təşkil edib.
Belə bir cərimə Avropa İttifaqında fərdi məlumatlar haqqında qanunvericilik sahəsində indiyə qədər ən böyük inzibati cərimə hesab olunur.
Avropa Məlumatların Mühafizəsi Şurasının prezidenti Andrea Jelinek etiraf edib ki, “Meta” müntəzəm olaraq istifadəçi məlumatlarının ötürülməsi ilə məşğul olub və bununla da konfidensiallıq (məxfilik) qaydalarını pozub.
O qeyd edib ki, belə bir cəzanın verilməsi, həmçinin, digər tqəşkilatlara ciddi qayda pozuntularının nələrə gətirib çıxaracağı ilə bağlı xəbərdarlıq məqsədi daşıyır.
Sorğu
Hansı bölmədə daha çox xəbər görmək istərdiniz?