Gürcüstanın Kiyevdəki səfiri Georgi Zakaraşvili Ukrayna hakimiyyətinin Gürcüstanın keçmiş prezidenti Mixail Saakaşvili ətrafında yaranmış vəziyyətlə əlaqədar məsləhətləşmələr üçün ölkəni tərk etmək tövsiyəsindən sonra tezliklə Tbilisiyə qayıdacaq.

Gundemxeber.az xarici mediaya istinadla bildirir ki, bu barədə jurnalistlərə Gürcüstanın xarici işlər naziri İlya Darçiaşvili məlumat verib.

“Səfir yaxın vaxtlarda Gürcüstana qayıdacaq. Bu anlaşılmaz qərarın hansı əsasda qəbul edilməsi də çox vacibdir. Hesab edirəm ki, keçmiş prezidentlə dair hər şey aydındır. Bütün suallar cənab Saakaşvili də daxil olmaqla, dövlətin bütün məhbusların hüquqlarına görə nə qədər məsuliyyət daşıması ilə bağlıdır”, - nazir bildirib.

Darçiaşvilinin vurğuladığı kimi, Gürcüstan Ukraynaya kömək etməkdə davam edəcək və “heç bir məsuliyyətsiz qərar” Gürcüstan hakimiyyətini bu yoldan dönməyə məcbur etməyəcək.

Qeyd edək ki, Ukrayna Prezidenti Volodimir Zelenski Xarici İşlər Nazirliyinə Ukrayna vətəndaşlığı olan Saakaşvilinin məsələsi ilə bağlı məsləhətləşmələr aparmaq üçün Gürcüstan səfirinə zəng edərək ona 48 saat ərzində ölkəni tərk etməsi barədə göstəriş verməyi tapşırıb. Gürcüstan Xarici İşlər Nazirliyi Kiyevin qərarını diplomatik münasibətlərin kəskinləşməsinin, eləcə də suveren dövlətin daxili işlərinə müdaxilənin ifrat forması adlandırıb.

Gundemxeber.az