“İsrail ordusunun Qəzza zolağında ölkə rəhbərliyi tərəfindən elan edilən genişmiqyaslı quru əməliyyatı hər an başlaya bilər”.

Gundemxeber.az xarici mediaya istinadla bildirir ki, bu sözləri İsrailin Rusiyadakı fövqəladə və səlahiyyətli səfiri Aleksandr Ben Svi “Parlament qəzeti”nə müsahibəsində deyib.

“Hər şey nə vaxt başlayacaq? İstənilən an. Sadəcə, bir neçə şərtin yerinə yetirilməsi lazımdır. Birincisi, taktiki-əməliyyat tələbləridir ki, bunlar ordumuzun hazır olması və düşməni qəfil ələ keçirmək üçün gözlənilməz elementlərə sahib olmasıdır. İkincisi, müvafiq siyasi qərardır. Üçüncüsü, lazımi beynəlxalq vəziyyətdir”, - deyə səfir bildirib.

Onun sözlərinə görə, quru əməliyyatından yayınmağa iki şərt imkan verə bilər. Bunun üçün HƏMAS silahlarını yerə qoymalı və bütün girovları azad etməlidir.

Diplomat, həmçinin söz verib ki, İsrail quru əməliyyatı zamanı Qəzza zolağının mülki əhalisi arasında itkiləri minimuma endirmək üçün tədbirlər görəcək.

Gundemxeber.az