Gundemxeber.az » Dünya » Ukrayna Rusiya qazının Avropaya tranziti ilə bağlı müqaviləni yeniləməyəcək
Ukrayna Rusiya qazının Avropaya tranziti ilə bağlı müqaviləni yeniləməyəcək
Ukrayna Rusiya qazının öz ərazisindən Avropaya tranziti ilə bağlı müqaviləni yeniləməyəcək. Müqavilə 2024-cü ilin sonuna qədər qüvvədədir.
GUNDEMXEBER,AZ xəbər verir ki, bu barədə Ukraynanın "Naftoqaz" şirkətinin rəhbəri Aleksey Çernışev "Azadlıq" radiosunun yerli xidmətinə müsahibəsində deyib.
"Bir daha qeyd etmək istəyirəm ki, biz bu tranzitin davam etdirilməsinə təşəbbüs göstərməyəcəyik. Müqavilə başa çatacaq və tranzit dayanacaq", deyə o, 2024-cü ilin əvvəlindən sonra müqavilənin taleyi ilə bağlı sualı cavablandırıb
Aleksey Çernışev qeyd edib ki, şirkət müqaviləni vaxtından əvvəl ləğv etməyə hər an hazırdır, lakin bu halda Avropa ölkələri Rusiya qazını itirəcək.
"Başqa səbəblər qətiyyən yoxdur, lakin biz bu gün tərəfdaşımız olan bəzi Avropa İttifaqı ölkələrini mavi yanacaq almaq və qışa hazırlaşmaq imkanından məhrum edə bilmərik. Xüsusən də dənizlərə çıxışı olmayan ölkələri", deyə Aleksey Çernışev müqaviləni vaxtından əvvəl ləğv etməkdən imtinanın "Qazprom"un məhkəmə çəkişmələri qorxusu ilə bağlı olmadığını qeyd edib.
"Qazprom" və "Naftoqaz” 2019-cu ildə 5 illik müqavilə imzalayıb. Müqavilənin şərtlərinə əsasən, Rusiya şirkəti Ukrayna ərazisindən tranzitlə 225 milyard kubmetr nəql etməlidir. Ukrayna tranzit xətti Rusiya qazının Qərbi və Mərkəzi Avropa ölkələrinə çata biləcəyi marşrutdur. "Qazprom” bu gün səhər elan edib ki, Ukrayna vasitəsilə gündəlik 40,3 milyon kubmetr qaz tədarük edir.
GUNDEMXEBER,AZ
Oxşar yazılar :
-
-
Peskov, lazım gələrsə, Rusiyanın “Naftoqaz”a ...
11-07-2023, 11:59
-
Ukrayna bu qış Rusiyadan qaz almayacaq ...
15-12-2016, 22:03
-
Rusiyadan Azərbaycan neftinin tranziti ilə bağlı ...
13-01-2014, 02:21
-
“Atletiko” Qrizmann və Ernandeslə müqaviləni ...
19-06-2018, 11:36
-
"Çelsi" müdafiəçisi ilə müqaviləni ...
22-01-2016, 20:08
Sorğu
Hansı Antivirusdan istiafdə edirsiniz?