Prezident: «Binaların bloklarında çoxlu sayda istifadə olunmuş iynələr və narkotiklər peyda olunmağa başlayıb»

gundemxeber.az Rusiyadan Gürcüstana böyük həcmdə “Timsah” adlanan narkotik maddələri gətirilir. Bunu deyən Gürcüstan prezidenti Mixail Saakaşvili təəssüflə qeyd edib ki, Gürcüstandakı evlərin bloklarında yenə çoxlu sayda istifadə olunmuş iynələr və narkotiklər peyda olunmağa başlayıb.
“Narkomanlıq üzərində qələbəni çətin məsələ sayan sabiq baş nazir Vano Merabişvili bir neçə il öncə bəyan etmişdi ki, bu problem həll olunub. Lakin indi başqa adamlar gəlib. Onlar vaxtilə Gürcüstanda tanınmış narkotik satıcıları idilər. Mənə indi məlumat gəldi ki, ölkəmizə Rusiyadan böyük həcmdə “Timsah” adlı narkotiklər daxil olub. Sən demə, onları qəbul edəndə, elə bilirsən ki, qabağa gedirsən, əslində isə geri gedirsən. Görünür ki, Gürcüstanın siyasi elitasının bir hissəsi Rusiyadan gətirilmiş bu “dəhşət”in təsiri altındadır. Bu, onların sifətlərində də əks olunur”, - deyə o vurğulayıb.