İsveç İrandan isveçli diplomatların İsrailin xeyrinə casusluqda ittiham olunan Avropa İttifaqı rəsmisi Yohan Floderusun məhkəməsində iştirakdan imtina etməsi ilə bağlı izahat gözləyir. 

Gundemxeber.az xəbər verir ki, bu barədə İsveçin xarici işlər naziri Tobias Billström açıqlama verib.

"İndi əsas prioritetimiz İsveç səfirliyinin nümayəndəsinin məhkəmədə iştirak etmək hüququnu təmin etməkdir. Burada bir daha təkrar edə bilərik ki, biz bütün ittihamları tamamilə əsassız və səhv hesab edirik", deyə İsveç Xarici İşlər Nazirliyinin rəhbəri Avropa İttifaqına üzv ölkələrdən olan həmkarları ilə görüşdə bildirib

Eyni zamanda, Billström günahkar olduğu halda Floderusun mümkün mübadiləsini müzakirə etməkdən imtina edib. Onun sözlərinə görə, hazırda ən vacib məsələ İsveç vətəndaşının maraqlarını məhkəmədə müdafiə etməyə çalışmaqdır.

33 yaşlı Yohan Floderus İranda İslam Respublikasının müdafiəsi, ona qarşı sanksiyalar, nüvə proqramı və insan haqları ilə bağlı sahələrdə təxribat törətmək üçün kəşfiyyat məlumatları toplamaqda ittiham olunur. İsveçli 500 gündən çox əvvəl saxlanılıb, bu, 2023-cü ilin sentyabrında məlum olub. "The New York Times” qəzetinin yazdığına görə, İsveç və Aİ səlahiyyətliləri hadisəni bir ildən çox gizli saxlayıblar.

Gundemxeber.az