“İsrail Müdafiə Qüvvələrinin Livanla sərhəddəki bölmələri yüksək hazırlıq vəziyyətindədir və lazım gələrsə, zərbə endirməyə hazır olmalıdırlar”.

Gundemxeber.az xarici mediaya istinadla bildirir ki, bu barədə İsrail Müdafiə Qüvvələrinin Baş Qərargah rəisi Hertsii Halevi bildirib.

Halevi İsrail ordusunun Şimal Komandanlığında vəziyyəti qiymətləndirib və həmçinin fəaliyyət planlarını təsdiqləyib. Baş Qərargah rəisi qeyd edib ki, prioritet vəzifə ölkənin şimalında yaşayan sakinlərin öz evlərinə qaytarılmasıdır, lakin bu, vaxt tələb edir.

O, həmçinin qeyd edib ki, indiyədək hərbi kampaniya düzgün istiqamətdə və çox diqqətlə aparılıb və gələcəkdə də bu istiqamətdə hərəkət etmək lazımdır.

Gundemxeber.az