Rusiya prezidentinin mətbuat katibi Dmitri Peskov Ukrayna prezidenti Vladimir Zelenskinin insidentin araşdırılmasının zəruriliyi ilə bağlı açıqlamalarına münasibət bildirib.

Gundemxeber.az Rusiya mediasına istinadla xəbər verir ki, Peskov rəsmi Kiyevin İl-76 hərbi-nəqliyyat təyyarəsinin Belqorod yaxınlığında qəzaya uğramasını cinayət hesab edərsə, Kremlin beynəlxalq araşdırmaya razı olduğunu bildirib.

Peskov media nümayəndələrinə deyib ki, əgər Kiyev rejiminin cinayət əməlləri ilə bağlı beynəlxalq araşdırma nəzərdə tutulursa, bu mütləq lazımdır.

Peskov bu təyyarənin niyə vurulduğu və bunun qəsd olub-olmadığı barədə suala cavab verərək deyib ki, bunu birbaşa Ukrayna prezident administrasiyasının nümayəndələrindən soruçmaq lazımdır: “Zəng edin və soruşun”.

Gundemxeber.az