ABŞ prezidenti Co Bayden İsrail və HƏMAS-ın martın 11-də başlayacaq Ramazan ayından əvvəl razılığa gəlməsi lazım olduğunu bildirib və Qüdsdəki vəziyyəti açıqlayıb.

Gundemxeber.az xəbər verir ki, Baydenin sözlərinə görə, müharibə davam edərsə, çox təhlükəli durum yaranacaq.

Digər tərəfdən, ABŞ Dövlət Departamentinin sözçüsü Metyu Miller Qəzzada vəziyyətin "dəhşətli" olduğunu bildirib. ABŞ sözçüsü bölgədəki ərzaq böhranına toxunub: "Uşaqların aclıqdan ölməsi qəbuledilməzdir və bunu İsrail hökumətinə açıq şəkildə çatdırdıq".

Co Baydenin Qəzza zolağında mümkün atəşkəs razılaşmasının HƏMAS-dan asılı olması barədə bəyanatından sonra Həmas Siyasi Bürosunun üzvü İzzət ər-Rişq açıqlama verib. O, ABŞ administrasiyası və prezidentinin “İsrailin Qəzza zolağında fələstinlilərə qarşı soyqırım hücumlarında tamamilə şərik olduğunu” qeyd edib.

“Bir qədər yardım göndərilməsi, xalqımızın qanına bulaşmış ABŞ rəhbərliyinin imicini yaxşılaşdırmayacaq. Hazırda ən vacib məsələ nasist ordusuna silah, raket və raket tədarükünü dayandırmaqdır”.

Gundemxeber.az