Gundemxeber.az xəbər verir ki, bu barədə mənbələrə istinadən The Wall Street Journal qəzeti məlumat yayıb.

WSJ yazır ki, fevral ayında Fransa prezidenti Emmanuel Makron Paris sammitinin əsasını qoymaq üçün ABŞ prezidenti Co Bayden və Almaniya kansleri Olaf Şoltsla məxfi söhbətlər aparıb. Makron bunun Ukraynadakı münaqişədə Qərb strategiyasına təsir edəcəyinə ümid etdiyini bildirib.

Onun mənbələri bildiriblər ki, Fransa lideri onlara Rusiyaya qarşı bütün hərbi variantları masada qoyacaq strateji qeyri-müəyyənlik mövqeyi tutmalı olduqlarını deyib.

Qəzet qeyd edir ki, Makron Qərb müdaxiləsinin sərhədlərini - qırmızı xətlərin qoyulmasını dayandırmağı və bunun əvəzində Kremli qeyri-müəyyənlikdə saxlamaq istəyib.

Anonim mənbələr nəşrə bildiriblər ki, Bayden strategiyanın eskalasiyaya səbəb ola biləcəyi ilə bağlı narahatlıqlara görə strategiyanın dəyişdirilməsinin zəruriliyini şübhə altına alır və Şolts Makronu dəstəkləmir, çünki onun ideyası müttəfiqləri parçalaya və NATO ölkələrini münaqişənin tərəfinə çəkə bilər.

ABŞ və Almaniya liderləri ilə söhbətində Makron həmçinin bildirib ki, Parisdəki sammitdən Rusiya prezidenti Vladimir Putinə mesaj göndərmək üçün istifadə etmək istəyir. Şolts onu fikrindən daşındırmağa çalışıb, lakin buna baxmayaraq, Fransa prezidenti NATO qoşunlarının Ukraynada yerləşdirilməsi variantının istisna oluna bilməyəcəyi barədə bəyanatı ilə müttəfiqləri çaşdırıb.

Gundemxeber.az