Hollandiya hökuməti 2024-2026-cı illərdə Ukraynaya yardım üçün 4,4 milyard avro ayrıldığını təsdiqləyib.

Gundemxeber.az xəbər verir ki, bu barədə 2024-cü il üçün yenilənmiş büdcə məlumatları və sonrakı illər üçün xərclər proqnozunu özündə əks etdirən saytda dərc olunan yaz memorandumunda deyilir.

"Ukraynaya hərbi və humanitar yardım üçün əlavə 4,4 milyard avro ayrılacaq", - sənəddə qeyd olunur.

Əvvəllər Hollandiyanın baş naziri vəzifəsini icra edən Mark Rutte bildirib ki, Hollandiya bu il Ukraynaya hərbi dəstək üçün əlavə 1 milyard avro ayırmağa və 2025-ci ildə yardım üçün büdcədə daha 3 milyard avro ayırmağa qərar verib. Bundan əlavə, Ukrayna iqtisadiyyatını ayaqda saxlamaq və kritik enerji infrastrukturunu təmir etmək üçün 400 milyon avro ayrılması planlaşdırılır.

Gundemxeber.az