"Xarici agentlər haqqında" qanun ləğv olunmasa, Avropa İttifaqı Gürcüstanı Avropa Sülh Fondu xətti ilə Avropa maliyyəsindən və təchizatdan məhrum etməyə hazırdır.

Bunu Aİ-nin xarici işlər və təhlükəsizlik siyasəti üzrə ali nümayəndəsi Josep Borrel deyib.

“Biz Gürcüstana maliyyə dəstəyini və Avropa Sülh Fondunun dəstəyini dayandırmağa hazırıq, bu, dərhal edilə bilər, bu qərarlar səs çoxluğu tələb etmir”, – Borrel qeyd edib və Macarıstanın Gürcüstana təzyiqi dəstəkləmədiyini əlavə edib.

Avropa diplomatiyasının rəhbəri daha əvvəl bəyan etmişdi ki, hökumət kursunu dəyişməsə, Gürcüstan Aİ-yə üzv olmaq yolunda irəliləməyəcək.

Gundemxeber.Az