ABŞ-ın Demokrat Partiyasının Milli Komitəsinin (DNC) sədri Ceymi Harrison Demokratların noyabr seçkilərində prezidentliyə namizədinin avqustun 7-dək virtual səsvermə yolu ilə müəyyənləşəcəyini söyləyib.

Gundemxeber.az xəbər verir ki, bu barədə “The New York Times” qəzeti məlumat yayıb.

Onun sözlərinə görə, əgər ABŞ vitse-prezidenti Kamala Harris tək namizəd olaraq ortaya çıxsa və 4600 qurultay nümayəndəsindən ən azı 300-nün imzasını alsa, səsvermə avqustun 1-də də baş tuta bilər.

Əgər bir neçə namizəd olsa, səsvermə bir neçə gün sonra başlayacaq, lakin avqustun 7-də başa çatmalıdır.

Qeyd edək ki, partiyanın qurultayı 19-22 avqust tarixlərində İllinoys ştatının Çikaqo şəhərində keçiriləcək. Qurultaydan əvvəl virtual səsvermə yolu ilə prezidentliyə namizədin irəli sürülməsi onu sırf təntənəli tədbirə çevirəcək.