Gundemxeber.az » Dünya » Haniyəyə sui-qəsdin arxasında gizlənmiş həqiqət üzə çıxır - “Foreign Policy”
Haniyəyə sui-qəsdin arxasında gizlənmiş həqiqət üzə çıxır - “Foreign Policy”
İranın kəşfiyyat naziri İsmayıl Xətib dediyinə peşman olub. İyulun sonunda o, İranda “Mossad-ın infiltrasiya şəbəkəsini dağıtmağını” özünün 3 illik fəaliyyətinin ən böyük nailiyyəti olması ilə öyünüb. 6 gün sonra Tehranın mərkəzində HƏMAS-ın siyasi lideri İsmayıl Haniyə İslam İnqilabı Keşikçiləri Korpusunun (“Sepah”) himayəsində olarkən İsrail onu qətlə yetirib.
Gundemxeber.az xəbər verir ki, bu barədə “Foreign Policy” yazıb.
ABŞ nəşrinin təhlilində qeyd olunur:
Sui-qəsdi xüsusilə diqqəti özünə cəlb edən tərəfi odur ki, İran rejimi “Sepah”ın öz kəşfiyyat və əks-kəşfiyyat imkanlarını Xətibin nazirliyindən daha mükəmməl hesab edir. Əslində, “Sepah”ın daxili strukturları daxilində qüdrətli Kəşfiyyat Təşkilatı geniş mənada İranda ən güclü və təsirli qüvvədir.
Amma yanılmayaq: İran İslam İnqilabı Keşikçiləri Korpusunun Tehrandakı qonaq evində Haniyənin öldürülməsi kəşfiyyatın böyük uğursuzluğu idi. O, “Sepah”ın kəşfiyyat aparatında zəif nöqtələri, o cümlədən ən yüksək səviyyələrdə xarici infiltrasiyanı üzə çıxarıb. Bu, Haniyənin öldürülməsindən çıxan ən böyük nəticədir. İranın İsrailə bilavasitə cavab verməsi ilə bağlı məsələdən başqa, rejimin paranoyyası güclənəcək. O, xarici sızmaların kökünü kəsməyə çalışacaq və təhlükəsizlik qurumlarına nəzarəti gücləndirəcək. Çünki 85 yaşlı Ayətullah Əli Xamnəi varisini müəyyənləşdirməyə hazırlaşır.
Təbii ki, bu, “Sepah”ın ilk kəşfiyyat uğursuzluğu deyil. Aprel ayında İran İslam İnqilabı Keşikçiləri Korpusunun “Qüds” Qüvvələrinin Şam üzrə komandiri (“Hizbullah” hücumlarının koordinasiyasına cavabdeh) Məhəmməd Rza Zahedi Suriyada, İran səfirliyinin yanındakı konsulluq binasında hədəfli zərbə nəticəsində öldürülüb. 2020-ci ilin noyabrında İranın nüvə silahı proqramının atası Möhsün Fəxrizadə də hədəfə alınaraq öldürülüb.
Lakin budəfəki böyük fərq odur ki, kəşfiyyat uğursuzluğu Haniyənin İranın yeni prezidenti Məsud Pezeşkianın andiçmə mərasimində iştirak etmək üçün Qətərdən Tehrana səfər etdiyi, paytaxtın mərkəzində, İran İnqilabı Keşikçiləri Korpusunun binasında olarkən baş verib.
Yüksək dəyərli terrorçu liderlər həmişə İranı səyahət etmək, yaşamaq və fəaliyyət göstərmək üçün çox az sayda təhlükəsiz sığınacaqlardan biri hesab ediblər. Bunlara 2008-ci ildə Suriyada sui-qəsd nəticəsində öldürülən “Hizbullah”ın əməliyyatlar rəhbəri İmad Muğniyə də daxildir. Onun qızı farsca nəşr olunan xatirələrində atasının yalnız İran ərazisində özünü təhlükəsiz hiss etdiyini yazmışdı. “Əl-Qaidə” lideri Seyf əl-Adel hazırda İranda yaşayır. Hətta İrlandiyada yerləşən “Kinahan” transmilli cinayətkar qruplaşma kimi Avropa mənşəli mütəşəkkil cinayətkarlıq sindikatları liderlərinin də orada sığınacaq tapdıqları bildirilir.
İslam İnqilabı Keşikçiləri Korpusunun terrorçuların sığınacağına zəmanət vermək vərdişi ona dünyanın ən ölümcül yaraqlı təşkilatlarından bəzilərini asanlıqla inkişaf etdirməyə və onlara qoşulmağa imkan verib, onların üzvləri İrandan təlim və terror hücumları hazırlamaq üçün istifadə edərkən tez-tez dəbdəbəli həyat tərzi keçirirlər.
“Wall Street Journal”ın açıqladığı kəşfiyyat hesabatlarına görə, İsrail-Qəzza sərhədini pozaraq 2023-cü il oktyabrın 7-də qətliam törədən HƏMAS yaraqlılarından bəziləri İranda təlim keçib.
“Sepah” Kəşfiyyat Təşkilatının yüksək hazırlıq vəziyyətində olacağı bir vaxtda İsrailin Həniyəni İİKK-nin qoruduğu binada öldürə bilməsi İranın təhlükəsiz sığınacaq kimi qəbul edilən dinamikasını dəyişəcək. Sui-qəsd terrorçu liderləri oraya sığınmazdan əvvəl 2 dəfə düşünməyə vadar edəcək və çox güman ki, İran rejimi ilə onun etibarlı şəxsləri arasında münasibətləri çətinləşdirəcək.
Bu, rejim üçün əhəmiyyətli bir geriləmədir. 2020-ci ildə İraqda Zahedinin və ya “Qüds” Qüvvələrinin komandanı Qasim Süleymaninin öldürülməsinə səbəb olan kəşfiyyat məlumatlarının sızmasına görə məsuliyyət bütünlüklə “Sepah”ın üzərinə düşür. İslam İnqilabı Keşikçiləri Korpusunun simasını itirmək qorxusunu Qərb mediasının Haniyənin qaldığı qonaq evinə partlayıcı maddələrin qaçaqmalçılıq yolu ilə gətirildiyi barədə xəbərləri tələsik təkzib etməsində də görmək olar. Səlahiyyətlilər “Sepah”ı ittiham etmək əvəzinə, binaya raket atıldığını bildirirlər.
Tehranın mərkəzində bu hücum onsuz da mövcud olan paranoyyanı ən yüksək səviyyəyə çatdıracaq.
Gundemxeber.az xəbər verir ki, bu barədə “Foreign Policy” yazıb.
ABŞ nəşrinin təhlilində qeyd olunur:
Sui-qəsdi xüsusilə diqqəti özünə cəlb edən tərəfi odur ki, İran rejimi “Sepah”ın öz kəşfiyyat və əks-kəşfiyyat imkanlarını Xətibin nazirliyindən daha mükəmməl hesab edir. Əslində, “Sepah”ın daxili strukturları daxilində qüdrətli Kəşfiyyat Təşkilatı geniş mənada İranda ən güclü və təsirli qüvvədir.
Amma yanılmayaq: İran İslam İnqilabı Keşikçiləri Korpusunun Tehrandakı qonaq evində Haniyənin öldürülməsi kəşfiyyatın böyük uğursuzluğu idi. O, “Sepah”ın kəşfiyyat aparatında zəif nöqtələri, o cümlədən ən yüksək səviyyələrdə xarici infiltrasiyanı üzə çıxarıb. Bu, Haniyənin öldürülməsindən çıxan ən böyük nəticədir. İranın İsrailə bilavasitə cavab verməsi ilə bağlı məsələdən başqa, rejimin paranoyyası güclənəcək. O, xarici sızmaların kökünü kəsməyə çalışacaq və təhlükəsizlik qurumlarına nəzarəti gücləndirəcək. Çünki 85 yaşlı Ayətullah Əli Xamnəi varisini müəyyənləşdirməyə hazırlaşır.
Təbii ki, bu, “Sepah”ın ilk kəşfiyyat uğursuzluğu deyil. Aprel ayında İran İslam İnqilabı Keşikçiləri Korpusunun “Qüds” Qüvvələrinin Şam üzrə komandiri (“Hizbullah” hücumlarının koordinasiyasına cavabdeh) Məhəmməd Rza Zahedi Suriyada, İran səfirliyinin yanındakı konsulluq binasında hədəfli zərbə nəticəsində öldürülüb. 2020-ci ilin noyabrında İranın nüvə silahı proqramının atası Möhsün Fəxrizadə də hədəfə alınaraq öldürülüb.
Lakin budəfəki böyük fərq odur ki, kəşfiyyat uğursuzluğu Haniyənin İranın yeni prezidenti Məsud Pezeşkianın andiçmə mərasimində iştirak etmək üçün Qətərdən Tehrana səfər etdiyi, paytaxtın mərkəzində, İran İnqilabı Keşikçiləri Korpusunun binasında olarkən baş verib.
Yüksək dəyərli terrorçu liderlər həmişə İranı səyahət etmək, yaşamaq və fəaliyyət göstərmək üçün çox az sayda təhlükəsiz sığınacaqlardan biri hesab ediblər. Bunlara 2008-ci ildə Suriyada sui-qəsd nəticəsində öldürülən “Hizbullah”ın əməliyyatlar rəhbəri İmad Muğniyə də daxildir. Onun qızı farsca nəşr olunan xatirələrində atasının yalnız İran ərazisində özünü təhlükəsiz hiss etdiyini yazmışdı. “Əl-Qaidə” lideri Seyf əl-Adel hazırda İranda yaşayır. Hətta İrlandiyada yerləşən “Kinahan” transmilli cinayətkar qruplaşma kimi Avropa mənşəli mütəşəkkil cinayətkarlıq sindikatları liderlərinin də orada sığınacaq tapdıqları bildirilir.
İslam İnqilabı Keşikçiləri Korpusunun terrorçuların sığınacağına zəmanət vermək vərdişi ona dünyanın ən ölümcül yaraqlı təşkilatlarından bəzilərini asanlıqla inkişaf etdirməyə və onlara qoşulmağa imkan verib, onların üzvləri İrandan təlim və terror hücumları hazırlamaq üçün istifadə edərkən tez-tez dəbdəbəli həyat tərzi keçirirlər.
“Wall Street Journal”ın açıqladığı kəşfiyyat hesabatlarına görə, İsrail-Qəzza sərhədini pozaraq 2023-cü il oktyabrın 7-də qətliam törədən HƏMAS yaraqlılarından bəziləri İranda təlim keçib.
“Sepah” Kəşfiyyat Təşkilatının yüksək hazırlıq vəziyyətində olacağı bir vaxtda İsrailin Həniyəni İİKK-nin qoruduğu binada öldürə bilməsi İranın təhlükəsiz sığınacaq kimi qəbul edilən dinamikasını dəyişəcək. Sui-qəsd terrorçu liderləri oraya sığınmazdan əvvəl 2 dəfə düşünməyə vadar edəcək və çox güman ki, İran rejimi ilə onun etibarlı şəxsləri arasında münasibətləri çətinləşdirəcək.
Bu, rejim üçün əhəmiyyətli bir geriləmədir. 2020-ci ildə İraqda Zahedinin və ya “Qüds” Qüvvələrinin komandanı Qasim Süleymaninin öldürülməsinə səbəb olan kəşfiyyat məlumatlarının sızmasına görə məsuliyyət bütünlüklə “Sepah”ın üzərinə düşür. İslam İnqilabı Keşikçiləri Korpusunun simasını itirmək qorxusunu Qərb mediasının Haniyənin qaldığı qonaq evinə partlayıcı maddələrin qaçaqmalçılıq yolu ilə gətirildiyi barədə xəbərləri tələsik təkzib etməsində də görmək olar. Səlahiyyətlilər “Sepah”ı ittiham etmək əvəzinə, binaya raket atıldığını bildirirlər.
Tehranın mərkəzində bu hücum onsuz da mövcud olan paranoyyanı ən yüksək səviyyəyə çatdıracaq.
Gundemxeber.az
Oxşar yazılar :
-
-
“Sepah” komandanı: “Bölgədə islam inqilabının ...
1-09-2014, 13:19
-
İranlı generalın öldürülməsi müharibənin ...
3-01-2020, 10:31
-
İsraildən İran ordusuna DƏHŞƏTLİ HÜCUM - Çox ...
8-12-2019, 11:23
-
İran kəşfiyyatına yaxın biznesmenlər Eldar ...
30-10-2015, 23:16
-
Kanada SEPAH-ı terror qruplaşması elan edib ...
20-06-2024, 11:30
Sorğu
Yay istirahətini harada keçirmək niyyətindəsiniz?