Gundemxeber.az » Dünya » “ABŞ-nin iqtisadi tənəzzülü Harrisin prezidentlik planlarına son qoya bilər“ - “The Economist”

“ABŞ-nin iqtisadi tənəzzülü Harrisin prezidentlik planlarına son qoya bilər“ - “The Economist”

Tarix: 11-08-2024, 19:52 Bölmə :Dünya Baxış: 104

bitmap-img6

ABŞ iqtisadiyyatında iqtisadi artım azalır və bu, vitse-prezident Kamala Harris üçün çox pis xəbərdir. İqtisadiyyatda tənəzzül və hətta yavaşlama onun “prezidentlik” planlarına son qoya və müvafiq olaraq Donald Trampa kömək edə bilər.

GUNDEMXEBER.AZ xəbər verir ki, bu fikir “The Economist” nəşrindəki yazıda yer alıb.
Məqalə müəllifləri qeyd edirlər ki, ABŞ iqtisadiyyatı hələ tənəzzül dövrünə girməyib, lakin onun artımı səngiyib və bu, prezidentliyə namizəd Harrisə qarşı, deməli, Trampın xeyirinə olan məqamdır.
Co Baydenin Ağ Evi ölkədə iqtisadi bum ilə öyünə bilməz. “Amerikalı seçicilər bu uğursuzluğa görə Kamala Harrisi cəzalandıracaqlarmı?”, - “The Economist” sualla oxucularına müraciət edir.
Nəşrdə bildirilib ki, bir çox investorlar Amerika iqtisadiyyatının tezliklə tənəzzülə qərq olacağından qorxur. Bədbin proqnozlar üçün səbəblər isə çoxdur. Məsələn, işsizlik səviyyəsi ilə bağlı yaxınlarda açıqlanan məlumatları göstərmək olar. Xatırladaq ki, iyul ayında bu göstərici 4,3 %-ə çatıb və bu, 2021-ci ildən bəri ən yüksək səviyyə deməkdir. Məqalə müəlliflərinin vurğuladığı kimi, bu məlumatların açıqlanmasından sonra - avqustun 5-də bütün dünyada birjalar çöküb. Ertəsi gün bazarlar mövqelərini bir qədər bərpa etsələr də, bu vəziyyət ümumilikdə, təbii ki, heç kimdə nikbinlik yaratmayıb.
Məqalədə deyilir ki, iqtisadiyyatın yaxın üç aydakı “davranışı” ABŞ Demokratlar Partiyasının nümayəndələrinin noyabr seçkilərində uğur qazanmaq şanslarını müəyyən edəcək.
Eyni zamanda, müəlliflər iddia edirlər ki, açıq tənəzzül, güman ki, Harris üçün “ölüm hökmü” olacaq.
“Ancaq iqtisadiyyat yalnız yavaşlasa belə, bu amil Harrisə zərər verə, Trampa kömək edə bilər”, - müəlliflər fikirlərini yekunlaşdırıb.


GUNDEMXEBER.AZ

Oxşar yazılar :


Təqvim

«    Noyabr 2024    »
BeÇaÇCaCŞB
 123
45678910
11121314151617
18192021222324
252627282930 

Arxiv xəbərlər

Noyabr 2024 (408)
Oktyabr 2024 (691)
Sentyabr 2024 (596)
Avqust 2024 (657)
İyul 2024 (677)
İyun 2024 (514)

Sorğu

 

Hansı Antivirusdan istiafdə edirsiniz?


 

 
Copyright © www.GundemXeber.az / Bütün hüquqlar qorunur!
BİZİMLƏ ƏLAQƏ: tel: (+99412) 538 76 26, (+99450) 289 88 33, (+99470) 248 96 52 - Email: [email protected]
Ünvan: Bakı şəhəri, Mətbuat prospekti 529-cu məhəllə, ''Azərbaycan'' nəşriyyatı 1-ci mərtəbə
Qurucusu: Ş.Cəfəri / Direktor: Ç. Cəfəri


Hazırlayan və ideya müəllifi: Elshan Azizoglu