Səmərqənddə SSRİ-nin bərpası üçün təbliğat aparan vətəndaş cinayət məsuliyyətinə cəlb edilib.

Təqaüdə çıxmazdan əvvəl “Vətənpərvər” təşkilatında işləyən şəxs 2023-cü ilin yanvarında Moskvaya səfəri zamanı SSRİ-nin yenidən qurulması tərəfdarları ilə görüşüb və Özbəkistanda bu ideyanın fəal təbliğatına başlayıb.
O, Özbəkistanın konstitusiya quruluşuna qəsd etməkdə ittiham olunur. Məhkəmə müəyyən edib ki, o, “Özbəkistan SSR/SSRİ” Teleqram qrupunda Özbəkistanın müstəqilliyinin illüziya olduğunu və keçmiş SSRİ respublikalarının tezliklə yenidən birləşəcəyini iddia edən materiallar yerləşdirib.
2024-cü il martın 6-da məlum olub ki, o, Özbəkistanın siyasi sistemində dəyişiklik etməyə çağıran video və audio materiallar dərc edib. Müttəhim Rusiya vətəndaşı Oleq Turişkinin mühazirəsindən ilhamlandığını bildirib.

Gundemxeber.az