Gundemxeber.az » Dünya » İrana endirilən zərbələr məqsədlərinə çatıb –Netanyahu
İrana endirilən zərbələr məqsədlərinə çatıb –Netanyahu
İsrailin baş naziri Benyamin Netanyahu bazar günü bildirib ki, İsrail Müdafiə Qüvvələrinin İrana endirdiyi zərbələr hədəflərinə çatıb.
İsrail mediası onun sözlərini sitat gətirib: “Zərbə dəqiq və güclü olub, bütün məqsədlərə nail olunub”.
Netanyahu onu da deyib ki, İran rejimi bir sadə şeyi dərk etməlidir ki, kim bizə zərər verirsə, biz də zərər verərik.
İrana zərbə İsrailin oktyabrın əvvəlində İranın İsrailə raket hücumuna cavabı olub.
İran tərəfi isə bildirib ki, İsrailin zərbələri İlam, Xuzistan və Tehran əyalətlərində yerləşən obyektlərə ziyan vurub. Səlahiyyətlilər həmçinin hava hücumundan müdafiəni dəstəkləyən dörd hərbçinin öldüyünü bildiriblər. Bundan əlavə, Associated Press peyk çəkilişlərinin təhlilinə əsasən, yazır ki, İranın ballistik raket proqramı ilə bağlı başqa bazaya da zərbələr endirilib.
İran tərəfi nə Parç, nə də Xocar ərazisində dağıntılar barədə rəsmi məlumat verməyib. İran İslam İnqilabı Keşikçiləri Korpusu hələ də İsrailin zərbələri ilə bağlı şərh verməyib.
İsrail tərəfi isə hücumların raket istehsalı mərkəzlərinə doğru həyata keçirildiyini bəyan edib.
Qeyd edək ki, İsrail ordusu oktyabrın 26-na keçən gecə İranın hərbi obyektlərinə zərbələr endirdiyini açıqlayıb.
GUNDEMXEBER.AZ
Oxşar yazılar :
-
-
"Azərbaycan İsrailin İrana zərbə vurmasına ...
23-12-2019, 16:16
-
İran təyyarəsi yükü boşaldıb getdi, 36 saat sonra ...
3-06-2019, 15:46
-
İranın ali rəhbəri əsrin sonunda İsrailin mövcud ...
11-09-2015, 17:08
-
"Tel-Əvivi yeddi dəqiqəyə məhv etmək ...
6-06-2016, 12:19
-
Netanyahu İsrailin müdafiə naziri oldu ...
19-11-2018, 11:10
Sorğu
Hansı bölmədə daha çox xəbər görmək istərdiniz?