Cənubi Koreyada "Boeing 737" təyyarəsinin Muan hava limanında qəzaya uğraması nəticəsində 176 nəfərin öldüyü təsdiqlənib.

Qeyd olunur ki, üç nəfər itkin düşmüş hesab olunur.

İlkin məlumatlara görə, qəzaya uğrayan təyyarənin göyərtəsində yaşı 10-dan az olan azı beş uşaq olub.

Ümumilikdə təyyarədə 175 sərnişin (173 Koreya Respublikası və iki Tailand vətəndaşı) və altı ekipaj üzvü olub.

09:12

Cənubi Koreyanın Muan hava limanında qəzaya uğrayan "Boeing 737" təyyarəsi quşla toqquşub.

Toqquşma nəticəsində quş təyyarənin mühərrikinə düşüb və onu zədələyib.

Xatırladaq ki, qəza baş verən andan etibarən ilkin versiya kimi qəzanın təyyarənin quş sürüsü ilə toqquşması göstərilirdi.

GundemXeber.Az