"Qazaxıstan hökuməti Aktau şəhəri yaxınlığında "Azərbaycan Hava Yolları"na (AZAL) məxsus sərnişin təyyarəsinin qəzasının səbəbləri haqqında yekun hesabatı 2025-ci ilin dekabrına qədər tamamlamalıdır".

Gundemxeber.Az-ın xarici mediaya istinadla verdiyi məlumata görə, bu barədə Qazaxıstanın nəqliyyat nazirinin müavini Talqat Lastayev brifinqdə bildirib.

O qeyd edib ki, ICAO-nun (Beynəlxalq Mülki Aviasiya Təşkilatı - red.) tələblərinə və tövsiyə olunan təcrübə standartlarına əsasən araşdırma müddəti bir ildir.

"Müvafiq olaraq, cari ilin dekabrına qədər Aktau yaxınlığında baş vermiş təyyarə qəzasının araşdırılması üzrə yekun hesabat tamamlanmalıdır", - deyə Lastayev təyyarə qəzasının araşdırılması müddəti ilə bağlı suala cavab verib.

Gundemxeber.Az