İsrailin müdafiə naziri İsrael Katz təhlükəsizlik qüvvələrinin İranın ona hücum cəhdinin qarşısını aldığını bildirib.

GUNDEMXEBER.AZ xəbər verir ki, müdafiə naziri bu barədə yerli mətbuata açıqlamasında bildirib.
“Mən Şin Betin və İsrail polisinin İranın İsrail Dövlətinin Müdafiə Naziri kimi mənə zərbə endirmək cəhdinin qarşısını almaq üçün hərəkətlərini alqışlayıram”, - deyə Katz bildirib.

O, İranı “terrorçu osminoqun başı” adlandıraraq, Tehranın təkcə İsrail liderlərinə qarşı deyil, həm də ölkə daxilində və xaricində adi vətəndaşlara qarşı hücumlar təşkil etdiyini və dəstəklədiyini vurğulayıb.

“Mənim ürəyim və narahatlığım ilk növbədə HƏMAS tunellərində müdafiəsiz qalan oğurlanmış insanlar və İran tərəfindən təhdid altında olan İsrail vətəndaşları ilə bağlıdır”, - deyə nazir əlavə edib.

GUNDEMXEBER.AZ