Ermənistanın baş naziri Nikol Paşinyan Türkiyəyə işgüzar səfər edib.

Gundemxeber.Az-ın xəbərinə görə, bu barədə Ermənistan hökumətinin mətbuat xidmətindən məlumat verilib.

Qeyd olunur ki, Ermənistanın baş nazirini İstanbul Beynəlxalq Hava Limanında Türkiyə xarici işlər nazirinin müavini Berris Ekinci qarşılayıb.

Səfər çərçivəsində Paşinyanın yerli erməni icmasının nümayəndələri ilə görüşü nəzərdə tutulub.

Axşam Ermənistan və Türkiyə liderləri arasında danışıqların olacağı planlaşdırılır.

12:16

Ermənistanın baş naziri Nikol Paşinyanın rəhbərlik etdiyi nümayəndə heyəti Türkiyəyə işgüzar səfərə yola düşüb.

Bu, Nikol Paşinyanın Türkiyəyə ilk işgüzar səfəridir. Onun rəhbərlik etdiyi nümayəndə heyətinə 13 nəfər daxil edilib.

Qeyd edək ki, İstanbulda N.Paşinyanla Türkiyə Prezidenti Rəcəb Tayyib Ərdoğan arasında görüş planlaşdırılır.

Xatırladaq ki, artıq bir neçə gündür Ermənistan KİV-i Türkiyədə Ermənistanla Azərbaycan arasında sülh müqaviləsinin bağlanması şərtlərini müzakirə ediləcəyinə dair xəbərlər dərc edir.

Gundemxeber.Az