ABŞ Prezidenti Donald Tramp NATO sammitinin keçirildiyi Haaqada baş tutan mətbuat konfransında İran və İsrail arasında müharibənin yenidən başlama ehtimalı ilə bağlı fikrini bir neçə dəqiqə sonra dəyişərək, iki ölkə arasında münaqişənin yaxın zamanda bərpa oluna biləcəyini bildirib.

Bu barədə TASS agentliyi məlumat yayıb.

Ağ Ev rəhbəri qeyd edib ki, hər iki ölkə hazırda döyüşlərdən tükənib və hərbi əməliyyatları davam etdirmək istəmir:

"Onlar arasında savaş yenidən başlaya bilər? Fikrimcə, nə vaxtsa mümkündür. Ola bilsin ki, bu, tezliklə baş versin", - deyə Tramp əlavə edib.

18:54

ABŞ Prezidenti Donald Tramp İsrail və İran arasında döyüş əməliyyatlarının bərpa olunmayacağına əminliyini ifadə edib.

Bunu Ağ Ev rəhbəri NATO sammitindən sonra Haaqada keçirilən mətbuat konfransında deyib.

"Bu, 12 günlük müharibə idi və biz onun bitdiyini düşünürük. Fikrimcə, onlar bir-birinə hücum etməyə hazırlaşmırlar. Mən belə düşünürəm", - deyə o vurğulayıb.