Qazaxıstanın Ticarət və İnteqrasiya Nazirliyi ABŞ-ın bəzi məhsulların idxalına qarşı tətbiq etdiyi 25 faizlik gömrük rüsumlarına münasibət bildirib.

GUNDEMXEBER.AZ xəbər verir ki, rəsmi açıqlamada bu rüsumların Qazaxıstanın ABŞ-a ixrac etdiyi məhsulların təxminən 95 faizinə təsir etməyəcəyi bildirilib.

Nazirlik qeyd edib ki, Qazaxıstanın ABŞ-a əsas ixrac məhsulları – neft, uran, gümüş, ferrolehimlər, tantaldan və titandan ibarətdir və bu kateqoriyalar yeni tariflərdən kənarda qalır.

Astana administrasiyası artıq Ağ Evə ticarət münasibətlərinin yaxşılaşdırılması ilə bağlı təkliflər göndərib və danışıqlara başlamağı gözləyir. Məqsəd – sabit və proqnozlaşdırıla bilən ticarət rejimini qorumaq və milli maraqları müdafiə etməkdir.

GUNDEMXEBER.AZ