Əldə etdiyimiz məlumatlara görə, xəstə quruplarda “təhsil alan” şagirdlərin adına verilən təqaüd kartları onların valideyinlərində deyil, direktor vəzifəsini daşıyan Eldar Hümbətovun cibində olduğu da bildirilir

Tovuz rayonunun Qovlar qəsəbəsində fəaliyyət göstərən və Eldar Hümbətovun rəhbərlik etdiyi internat məktəbində yaşananlar, bu gün əksər media qurumlarının gündəmini zəbt edən mövzulardan birinə çevrilib. O halda sual oluna bilər ki, adı çəkilən müəssisədə nələr baş verir ki, hansı qanunsuzluqlara qol qoyulur ki, aparıcı media qurumları baş verənlərə daha çox diqqət ayırır və yaşananları qabartmağa qərar da verirlər. Bəlkə də, yaşananlar haqda lazımi məlumatı olmayanlar baş verənləri lazımınca qiymətləndirməyi bacarmır və problemlərin varlığına gözucu da yanaşırlar. Amma, əsl həqiqətlər haqda məlumatlı olan hər kəs bilir ki, bu gün də Eldar Hümbətovun rəhbərlik etdiyi internat məktəbində çoxsaylı qanunsuzluqlar, bənzəri olmayan anarxiya tüğyan edir, müəllimlər arasında ayrıseçkilik amili qabardılır və digər xoşagəlməz qanunsuzluqlara imza atılır.
“Gündəm Xəbər”ə verilən məlumatlara və bəzi media qurumlarının yazdıqlarına görə, 2006-cı ildən adı çəkilən müəssisədə idman müəllimi işləyən direktorun oğlu Rauf Hümbətov, işlədiyi illər ərzində əmək fəaliyyətindən heç bir halda ayrılmır və qonşu Gürcüstan Respublikasında müəyyən yollarla ədəbiyyat ixtisasına da “yiyələnir”. Yəni, adı çəkilən şəxs yeni “diplom” almağa da müyəssər olur. Hər kəsə təəccüblü gələn hal o olur ki, Rauf Hümbətov Gürcüstanda “təhsil aldığı” illər ərzində, qonşu ölkədə azərbaycan və yaxud da rus-dilində fəaliyyət göstərən heç bir ali təhsil ocağı olmayıb. Bu belə olduğu halda, övladına müdirlik edən Eldar Hümbətov oğluna məxsus diplomun saxta olmasını bilsə də, o, onu “sahib olduğu ixtisasına” uyğun işə qəbul edir və üç il müddətinə büdcə vəsaitini mənimsəməyə imkan da yaradır. Elə ki, 2015-2016-cı tədris-buraxılış ilində aidiyyəti qurumlar tərəfindən diplomların yoxlanılmasına qərar verilir, o halda Rauf Hümbətova məxsus diplomun saxta olması aşkara çıxarılır. Həmin vaxt vüsəti əldən verməyən, övladının hər cür saxta əməllərini ört-basdır edən Eldar müəllim, çox keçmədən oğlunu internat məktəbinin təsərüfat şöbəsinə müdir təyin edir. Rauf Hümbətovun müdir təyinatından bir il keçdikdən sonra, məktəbdə müəyyən yoxlamalar aparılır. Həmin vaxt aşkar olunur ki, oğlunun imzası ilə mənimsənilən bir çox avadanlıqlar, o cümlədən sovet dövründən qalan borular, su çənləri, istilik radioatorları, piltələr, məktəbə verilmiş soyuducular və s. onun özu üçün tikdirdiyi obyektlərin içərisində saxlanılır.

İnternat məktəbində yaşanan və həddi-hüdudu bilinməyən qanunsuzluqlardan biri də, məktəbin yüz nəfərlik çarpayısında guya ilboyu gündəlik yüz nəfər şagird qalmasının sənədləşdirilməsidir. Halbuki, adı çəkilən məktəbdə gündəlik cəmi 8-10 nəfər şagirdin qaldığı bildirilir. Direktorun təsdiq etdiyi rəsmi sənədlərə əsasən məktəbdə hər gün guya yüz nəfərdən ibarət şagir olur və onların təlim-tərbiyəsi ilə, gündəlik kimlərsə də məşğul olurlar. Rəhbərliyin tərbiyə quruplarında tədris-tərbiyə işlərini saxta yollarla gəlininin və özünə yaxın bildiyi işçilərin adlarına rəsmləşdirməsi də, artıq dövriyyəyə yayılan mövzulardandır. O, belə bir yollarla da büdcə vəsaitlərini talan etməkdədir. “Gündəm Xəbər”in əldə etdiyi başqa bir məlumatda o da vurğulanır ki, internatdakı xəstə şagirdlərin olduğu qrupların birinci sinifindən tutmuş sonuncu sinifinədək, dərslərin daha çoxu direktorun ailə üzvlərinin adına yazılır və ilboyu həmin işçilərdən hansısa biri şagirdlərin üzünü belə görmürlər. Yalnız saxta yolla jurnallar tərtib olunur və büdcə vəsaitləri bir qrup şəxs tərəfindən mənimsənilir. Xəstə qruplarda olan şagirdlərdən yalnız 10-15 nəfəri üzdə olur və onları kimlərsə də görür. Digər şagirdlərin adları isə, yalnız saxta yollarla jurnallara yazılır. Əgər araşdırmalar aparılarsa, o halda əksər şagirdlərin həyatda olmamaları da aşkara çıxarıla bilər. Əldə etdiyimiz ilginc məlumatlara görə, xəstə quruplarda “təhsil alan” şagirdlərin adına verilən təqaüd kartları onların valideyinlərində deyil, məhz Eldar Hümbətovun cibində olduğu da bildirilir.

Belə bir səbəblər üzündəndir ki, Eldar müəllimin qısa zaman kəsiyində üç bahalı avtomobilə, üç mənzilə, iki magazaya və Bakı şəhərində digər daşınmaz əmlaklara sahib olması da bildirilir. Adı çəkilən şəxsin bu qədər var-dövlətə malik olması yöndə lazımi araşdırmalar aparılarsa, o halda bəlli olan o olar ki, bu şəxs rəhbərlik etdiyi internat məktəbində, sanki özü üçün “topdağıtmaz imperiya” da yaradıb. İnternat məktəbində çalışan müəllimlərin əksəriyyətinə ilboyu saxta yollarla xəstəlik kağızları düzəldilir ki, bunun da arxasında hansısa maraqlar durur. Məsələn, məcburi yollarla “xəstəliyə çıxarılan” müəllimlərin dərs saatlarını başqa müəllimlər keçirlər və belə bir səbəblər üzündən də, onların almalı olduqları əmək haqlarını rəhbərlik mənimsəyir. Son anda rəhbərlik belə bir yollarla külli miqdarda var–dövlətə sahib olur.

P.S. Hörmətli oxucular! Eldar Hümbətovun rəhbərlik etdiyi internat məktəbində yaşananlarla bağlı araşdırmalarımızı davam etdirib, növbəti saylarımızda sizləri daha ətraflı məlumatlandırmağa çalışacağıq.Odur ki, bizi izləməyi untmayın. Qarşı tərəfi də dinləyə bilərik.

Akif
"Gündəm Xəbər"