Bakının mərkəzində, Nizami və Səməd Vurğun küçələrinin kəsişməsində yerləşən altımərtəbəli evin sakinləri binanın zirzəmisində aparılan tikinti işləri ilə əlaqədar həyəcan təbili çalırlar.

"Bizim binamızın altında antiradiasiya sığınacağı var, birinci mərtəbədə yerləşən "Adidas" mağazasının sahibləri orada restoran açmağa hazırlaşırlar. Narahatlığımız ondandır ki, zirzəmidə buna hazırlıq işləri görülərkən birləşdirici dayaq divarları sökülür, ventilyasiya sistemi və binanın bünövrəsi məhv edilir”.

gundemxeber.az bildirir ki, bunu haqqin.az-a müraciətində Nizami küçəsi 66, S.Vurğun küçəsi 16-da yaşayan sakinlərdən biri-Fərhad Abdullayev deyib.
Onun sözlərinə görə, 2017-ci ildə "Adidas" mağazasının sahibi Məhərrəm adlı şəxs binanın zirzəmisini sökməyə girişib və nəticədə "bütün ev silkələnməyə-hərəkət etməyə” başlayıb".

Vəziyyətin təhlükəli olduğunu görən və təşvişə düşən sakinlər Fövqəladə Hallar Nazirliyinə və Sabail Rayon İcra Hakimiyyətinə müraciət ediblər. Bundan sonra onların evlərinin altının sökülməsi ilə bağlı işlər dayandırılıb. Amma bu çox çəkməyib. Sonra...