Hücum əməliyyatlarında  əlil olmuş qaziyə  mülki “kimya müdafiəçisi” vəzifəsi yazılıb

Elə çıxmasın ki, fürsətdən yararlanıram. Yox, on ildən çoxdur Daxili Qoşunların özbaşınalığından 

Prezidentə,  baş prokurora şikayətlərim sonuc vermir. Daha doğrusu, özümə qarşı növbəti 

özbaşınalıqla sonuclanır. Təsəvvür edin, son xidmət yerim olan DİN Daxili Qoşunlar Baş İdarəsi 

Prezidentə,  baş prokurora özbaşınalıqdan şikayət etdiyimə görə məndən -1-ci dərəcəli Qarabağ 

əlilindən məhkəmə yolu ilə 30 milyon tələb edib ,  mənim məhkəmə yolu ilə hüququmun təminatına 

isə qeyri – prosessual qadağa qoyub. Belədə hansı hüquqdan danışmaq olar? Bir qurum ki Prezidentə,  

baş prokurora, məhkəməyə müraciəti “şərəf və ləyaqətin pozulması” kimi dəyərləndirib, idarənin 

olmayan şərəf və ləyaqətini məhkəmə yolu ilə ÖZÜNÜN(MÜ? ) 1-ci dərəcəli Qarabağ əlilindən 30 

milyon almaqla bərpa edəcək , hələ üstəlik Vəkillər Kollegiyasını , hərbi prokurorluğu, məhkəmə 

hakimiyyətinin 1-ci dərəcəli əlilə qarşı özbaşınalığa səfərbər edəcək,   hansı hüquqi müdafiədən 

danışmaq olar? 

Hərbi prokurorluqdan ayrıca danışmaq gərəkir. Nədən hərbi qurumlarda hərbi qanunvericiliyin 

tələblərinin pozulmasının araşdırılması bu inzibati orqanın başlıca görəvidir. Ortalıq on il qabaq Cavid 

Xəlilov adlı hərbi prokurorluq əməkdaşı izahatımı almaqla yetərlənməyibmiş, həm də DİN-in Daxili 

Qoşunlarının da izahatını və rüşvətini alıbmış. Bu qənaətə gəlməyim əsassız deyil. Hazırda hərbi 

prokurorun köməkçisi olan, o çağ hərbi təsisatlarda qanun pozuntularının araşdırılması idarəsinin 

rəisi Toğrul Hüseynovun çoxillik cavabları belə düşünməyimə əsas verir. Fikir verin, Daxili Qoşunlar 

hərbi prokurorluğa bildirib ki, müdafiə nazirinin əmri NK-nın qərarından, qanundan, Konstitusiyadan 

üstündür və hərbi prokurorluq özü də bu cavabı Konstitusiya aktı kimi qəbul edib! 

1978-ci ildən 4 illik hərbi hazırlıq kursunun sonucu olaraq leytenant, 1986-cı ildən baş leytenant hərbi 

rütbəsi daşımağıma baxmayaraq, DİN Daxili Qoşunları və Maliyyə Plan İdarəsi 1991-ci ildən 

Azərbaycan Respublikası Silahlı Qüvvələrində zabit rütbəsində xidmətdə olmadığım özbaşınalığı ilə 

xidmət ilimi düz hesablamır və təbii ki, faiz əlavəsinin verilməsindən  ümumiyyətlə imtina edir . 1-ci 

dərəcəli Qarabağ qazisinə qərəz o həddədir ki, döyüşlərdə desant-hücum taburunun komandiri 

vəzifəsində olmağımı Müdafiə Nazirliyi Mərkəzi Hərbi Hospitalının verdiyi 15.04.1993 saylı arayışın 

notarial qaydada təsdiq edilmiş surəti, DİN DQ-nin qərargah rəisi V. B. Dzarasovun, hərbi tibb 

şöbəsinin rəisi S. Rüstəmovun 23-24 il qabaq verdikləri məktublar  sübut etsə də, mənə olmayan 

kimya müdafiə bölüyünün komandir müavini vəzifəsi yazılıb və bu səbəbdən aldığım pensiya 

tabeliyimdə olanlardan 3 dəfə  (!) azdır. Təsəvvür edin, mənə nə işdənçıxarma pulu, nə geyim - əşya 

kompensasiyası, nə məzuniyyət, ezamiyyət pulu, nə sığorta ödənişi , nə sanatoriya yollayışı və 

əvəzində kompensasiya verilib, nə rütbəm artıb, nə vəzifəm düzgün qeyd edilib, nə xidmət ilim 

düzgün hesablanıb, nə mənzil təminatı və digər güzəştlər tətbiq edilib,  məhkəmə təminatı 

hüququma da qadağa qoyulub! (?) Hərbi prokurorluğun adını yuxarıda vurğuladığım idarəsinin (yeni) 

rəisi Aydın Ələsgərov qanunsuzluğa  hüquqi qiymət vermək əvəzinə pozuntuları sadalamaqla yazıb ki , 

bu pozuntuların araşdırılması prokurorluq orqanlarının səlahiyyətlərinə aid olmadığından, 

məhkəməyə müraciət etməliyəm. Daxili Qoşunların rüşvətinin gücünə baxın, məhkəmə təminatı 

hüququna qoyulan qadağanın aradan qaldırılmasını tələb edən 1-ci dərəcəli Qarabağ qazisinə 

məhkəməyə müraciət etmək tövsiyə olunur. Oysa hərbi prokurorluğun özü məhkəmədə iddia 

qaldırmalıdır. Niyə cinayət işi bir yana, məhkəmədə iddia qaldırmaq bir yana, adicə qanunvericiliyin 

tələblərinə əməl edilməsini Daxili Qoşunlara məcbur etdirmir hərbi prokurorluq? 

On ildən çoxdur üz tutmadığım dövlət orqanı,  millət vəkili, məhkəmə qalmayıb. Hər şey bir yana 

qalsın, Ağdərədə döyüşlərdə iştirak edərkən ağır travma almış Qarabağ qazisinə “kimya müdafiəçisi” 

vəzifəsi necə yazıla bilər? Bəs 40 ilin zabitinin Azərbaycan Silahlı Qüvvələrində zabit rütbəsində 

xidmətdə olmadığı necə ? Sizdən soruşuram, DİN DQ komandanı, müdafiə naziri, Dİ naziri, DTX rəisi, 

hərbi prokuror, baş prokuror ? Üzeyir bəyin personajının dediyi kimi, döyüşçünü,  1-ci dərəcəli 

Qarabağ qazisini təhqir etməyə başqa səbəb tapmaq olmazdı ? 

Məğrur Bədəlsoy