MTN-dəki şantajçı şəbəkənin himayə etdiyi “Clear” hoteli haqda tirajlanan faktlar və hüquq-mühafizə orqanlarının əlindəki dosye işi dönüş nöqtəsinə çatdırsa da, daha bir gizli əl onları qoruyur

Çovdarovla Quliyevin təlimatı əsasında ayrı-ayrı adamları şantaj etmiş hotel sahibləri dayaqlarını itirib və obyektin bağlana bilər; qardaşların ölkədən çıxışı da yasaqlanıb

Həbsdəki generallar tərəfindən vaxtilə himayə olunmuş hotel bağlanmaq üzrədir. İllərdir pritona çevrilmiş və generalların sayəsində fəaliyyət göstərmiş “Clear” hoteli hüquq-mühafizə orqanları tərəfindən nəzarətə götürülüb.

General Akif Çovdarov və Anti-Terror Mərkəzinin rəisi Elçin Quliyevin təlimatları əsasında xidmət göstərmiş bu hotel artıq dayaqlarını itirib. Son aylarda bu obyekt barəsində yayılan xəbərlər belə deməyə əsas verir ki, “Clear” fahişəxana kimi istifadə olunub.

Hotelin adı dəyişir?

MTN-nin ləğvi və generalların həbsindən az sonra adıçəkilən hotel haqda sensasion xəbərlər meydana çıxıb. Məlum olub ki, Çovdarov və Quliyevin havadarlığı ilə işləyən hotel pritona çevrilibmiş. Üstəlik, yüksək çinli məmurların şantaj olunması, onların seks kasetlərinin əldə edilməsi üçün kameralar yerləşdirilib.

Bu hadisələrin yekunu və hotelin adının mediada hallanması artıq hüquq-mühafizə orqanlarına araşdırma aparmağa zərurət yaradıb. Bakının başqa hotellərinin deyil, məhz “Clear”ın adının bu işlərdə çəkilməsi təsadüfi deyil. Belə ki, MTN-dəki dəstə ilə əməkdaşlıq edən Fikrət və Fəxrəddin Feyziyevlər onların tapşırıqlarını can-başla yerinə yetiriblər.

İki qardaşın açdığı hotel təyinatı üzrə deyil, ayrı-ayrı şəxsləri ifşa, şantaj etmək funskiyası üzrə fəaliyyət göstəribmiş. Bütün bu detallar barədə kifayətə qədər mətbuatda xəbərlər tirajlanıb. Lakin “Gündəm-xəbər”in əldə etdiyi ən son xəbərlər var.

Redaksiyamıza verilən özəl xəbərlərə görə, “Clear” hotelinin bağlanması ehtimalı yüksəkdir. Ancaq Feyziyev qardaşları çalışır ki, obyekt əldən çıxmasın. Onların təklifi ondan ibarətdir ki. hotel müvəqqəti işini dayandırsın, ardınca başqa adla fəaliyyətini bərpa eləsin.

Bununla həm mətbuatın diqqət mərkəzindən sivişmək mümkün ola bilər, həm də hüquq-mühafizə orqanlarının araşdırmalarına zərurət yaranmaz. Eyni zamanda gələn məlumatlarda

bildirilir ki, Feyziyev qardaşlarının MTN-dəki şəbəkə ilə əlaqələrinin olması haqda detallı faktlar var və onların həbsi də istisna olunmur.

Ölkədən çıxışa yasaq

Mənbənin “Gündəm-xəbər”ə verdiyi məlumatlara görə, “Clear” hotelində yerləşdirilən kameralar hesabına illərlə mnüxtəlif imkanlı adamlar, məmurlar şantaj olunub.

Qadınlarla birgə olan kadrların müxtəlif ünvanlara təqdim olunacağı təhdidi böyük pullar qazandırıb. Təbii ki, Feyziyevlər bu işləri özbaşına həyata keçirə bilməzdi. Məhz Elçin Quliyev və Akif Çovdarov tandeminin dəstəyi Feyziyevlərə arxayınçılıq verib.

Qaynağımız qeyd edir ki, Feyziyevlər ölkədən çıxmaq üçün cəhd göstərib. Ancaq hotellə bağlı araşdırmalar getdiyi üçün onların Azərbaycandan çıxışı da qeyri-rəsmi yasaqlanıb.

Mənbənin sözlərinə görə, hotel sahiblərinin Azərbaycandan kənarda müalicə olunduğu haqda iddialar səslənsə də, reallığı əks etdirmir. Çünki “Clear” araşdırması Feyziyevlərin xaricə getməsini qadağan edib.

Qeyd edək ki, Azərbaycanda fəaliyyət göstərən bir çox hotellərin MTN-dəki cinayətkar dəstə ilə əməkdaşlıq etdiyi barədə məlumat vermişdik. Xüsusən də imkanlı müştərilər artıq qorxularından hotelə gəlmirlər. Ona görə ki, hoteldə gizli şəkildə çəkilişin aparıldığından şübhə edirlər.

Bundan əlavə isə Fikrət Feyziyevin oğlanları Elvin və İslamın bahalı avtomobillərinin fotolarının yayılması isə işləri daha da korlayıb. İstintaq qısa müddətdə bu qədər maddi imkana sahib olmasını müəyyənləşdirməyə çalışıb. Ortaya nələrin çıxdığı isə hələlik açıqlanmır.

Çovdarovun həbsindən sonra dayaqlarını itirmiş Feyziyevlər təzə himayədar axtarışına da çıxıblar. “Gündəm-xəbər”ə daxil olan bəzi iddialara görə, Daxili İşlər Nazirliyinin İnsan Alverinə Qarşı Mübarizə İdarəsinin rəisi general-mayor Şərif Əsədullayevin nəzarətinə keçiblər. Bu ehtimalın nə dərəcədə dəqiq olduğu açıqlanmır.

Əsədullayevlər Feyziyevləri qoruyur?

Bildirilir ki, general və oğlu Tamerlanın hotellə əlaqələri var. Bu əlaqələrin nədən ibarət olduğu təfsilatı ilə açıqlanmasa da, Tamerlanın hotelə gəlib-getdiyi iddia olunur. Əsədullayevin oğlu ölkədə qeyri-adi hərəkətlərilə ad çıxarıb.

O, “Qış parkı”nın yaxınlığında polisləri döydüyünə görə gündəmə gəlmişdi. Bunun ardınca isə ötən il “Senator” restoranında dava-dalaş salmaqda və həmin insident zamanı bir nəfəri bıçaqlamaqla ölkə gündəmini zəbt etmişdi.

İddialara görə, sözügedən şəxslərin adı hələ 2009-cu ildə MTN tərəfindən həyata keçirilmiş əməliyyat zamanı üzə çıxıb. Belə ki, İrana Azərbaycan üzərindən külli miqdarda nüvə yanacağı keçirən dəstə yaxalanır.

Onlardan biri 1979-cu il təvəlüdlü Goranboy rayonunun Sarov kənd sakini Tanrıverdiyev İbrahim Hüseyn oğlu olur. Məlumatda deyilir ki, nüvə yanacağı İran ərazisinə Qazax rayonunun “Sınıq körpü” keçid məntəqəsinin ərazisindən keçirilirmiş. Azərbaycan-İran sərhədində uran alverinin getdiyi faktlarla sübuta yetirilib.

Məlumatlara görə, həbs edilən dəstənin üzvlərindən biri də Fəxrəddin adlı iş adamıdır. O da iddia olunur ki, Fəxrəddin və onun Fikrət adlı qardaşı təkcə İranla deyil, Ermənistanla da uran alveri ediblər. Maraqlı məqamlardan biri də odur ki, «Clear» hotel təkcə bu məsəlləyə görə deyil, həmçinin qadın alverində də adını hallandırır.

Qiymətlər, şantaj və uran işi

Məlumatlarda vurğulanır ki, əvvəllər bir gecəsi 70 manata verilən otaq hazırda 90 manata müştəriyə təklif olunur. VİP otaqların qiyməti isə 150 manata kimi qalxıb. Və bura müştərilərin tək daxil olmasına da qəribə baxırlar. Çünki sözügedən hotel yalnız intim xidmətlər üçün «ixtisaslaşıb».

Məlumatlarda o da qeyd olunur ki, hotel rəhbərliyinin müştəri sarıdan korluq çəkməməsinin səbəbi, həm də bir başqadır. İddialara görə, Fəxrəddin və Fikrət adlı qardaşların müştəriləri gizli kamera ilə çəkərək, əllərində «silah» kimi saxlayırlar.

“Clear”ın sahibləri həmçinin Masallıda da eyni təyinatlı otel inşa etdiriblər. Hətta bu yaxınlarda DİN-in İnsan Alverinə Qarşı Mübarizə İdarəsinin əməkdaşlarının həmin obyektdə əməliyyat keçirdikləri də vurğulanır. Lakin müəmmalı səbəbdən həmin obyekt əməliyyatdan sonra da fəaliyyətini davam etdirir.

Bəzi yüksək çinli məmurların belə burada Mahmudov-Çovdarov şəbəkəsinin qurbanına çevrildiyi gələn məlumatlar arasındadır. Bu məsələdə 2009-cu ildə baş verən hadisənin də rolu olduğu bildirilir. Belə ki, qardaşlar MTN tərəfindən yaxalandıqdan sonra cinayətkar qrupun pis işlərinin icraçısına çevriliblər.

Azərbaycanda fəaliyyət göstərən əksər otellərlə bağlı problemli məsələlərin olduğu inkar edilmir. Motellər, onlardan bir qədər fərqli otellərdə qadın alverinin aparıldığı, hatta azyaşlı qızların cinsi istismara cəlb edilməsi də «norma»ya çevrilib. Aydın məsələdir ki, bununla bağlı aparılan mübarizə yetərli səviyyədə olmadığından belə obyektlərin sayı da sürətlə artmağa başlayıb.

Deputatı Feyziyevlərə nə bağlayır?

Hotelin admnistrasiyasının başına maraqlı bir şəxs gətirilir. Fuad adlı şəxsə verilən görəv daha geniş olur. Bütün işlər ona həvalə edilir. Həmin Fuad bu gün də işinin başındadır. Onun ABU-nun müəllimi olduğu, keçmiş rektor Elşad Abdullayevlə yaxşı münasibətlərə malik olması ilə yanaşı, həm də maliyyə işlərinə nəzarət edən biri kimi təqdim edildiyi də məlumatlar sırasında var.

Belə bir fiqurun «Clear»a admnistrator gətirilməsinin konkret hansı səbəblərinin olduğu isə kimsəyə məlum deyil. Böyük ehtimalla Fuadın geniş əlaqələri var və eyni zamanda, müştəri potensialı da böyükdür.

Aydın məsələdir ki, Akif Çovdarova «Clear» kimi məkanlar lazım idi. Ona görə ki, imkanlı adamların öbvladları, hətta özlərinin də mütəmadi olaraq baş vurduqları bu hoteldə gizli çəkilişlər aparmaqla, böyük qazanclar əldə edəcəkdi.

Çovdarov başllarına torba keçirilmiş qardaşları MTN-ə gətirir və orada razılama əldə olunur. Həmin müddətdən sonra bütün otaqlara gizi kameralar yerləşdirilir və aktiv çəkimlərə başlanılır. Bu çəkilişlər sayəsində Çovdarovun əlinə xeyli «yemlər» düşür. Və «Clear»da başını bəlaya salanlar mütəmadi olaraq, MTN generalının «bığının altından» keçməli olurlar.

Amma ortada başqa bir iddia daha var. Bu dəfə də söhbət civə alverindən gedir. Sadəcə, qardaşlarının yeni «patron»ları olduğu qeyd edilir. Yayılmış məlumatlarda vurğulanır ki, civə məsələsində qardaşların şəriki kimi adı çəkilən şəxs deputatdır. Ağalar Vəliyevin uzun illərdən bəri bu işlə məşğul olduğu deyilir. Onu da qeyd edək ki, bununla bağlı mətbuatda da çeşidli xəbərlər yayılmışdı.

Deputatın köməkçisi Duman adlı şəxs mətbuata verdiyi açıqlamasında qeyd etmişdi ki, borclu olduğu şəxslərin pulunu ödəyə bilməmələrinin səbəbi əllərindəki bütün maliyyəni xaricdən civə alınmasına sərf etmələridir.

Həmin vaxt məsələ qapadıldı və deputat maksimum dərəcədə məlumatın yayılmasını önlədi. Əks təqdirdə, bu etiraf kifayət qədər skandala səbəb ola bilərdi. Son məlumatlara görə, Fikrət və Fəxrəddinin civə məsələsindəki patronları elə Ağalar Vəliyevdir. Onun “Clear”da hansı paya sahib olması barədə heç bir məlumat olmasa da, işin bir ucunun hotelə qədər uzanacağı güman edilə bilər.

Düzdür, Vəliyev böyük bizneslə məşğuldur və onun «Abşeron Kristal» şirkəti tikinti sektorunda ciddi layihələrə imza atmaqdadır. Yazıda adları keçən şəxslərin də mövqeyini dərc etməyə hazırıq.

Rafiq Qara

gundemxeber.az