Rahim Feyzullayev: “Həqiqət budur ki, Rövşən Həmidov və Şahəddin Tacəddinov vəzifə səlahiyyətlərindən sui-istifadə edərək, sənədləri qəsdən saxtalaşdırmışlar”

“Gündəm Xəbər”ə Göyçay rayonunun Cəyirli kənd sakini Feyzullayev Rahim Zülfü oğlu tərəfindən şikayət ərizəsi daxil olub. O, yazdığı ərizəsində bildirir ki, “bu gün bir qrup vəzifəli şəxslər, cinayətkar şəbəkə yaradaraq bizim ailəyə məxsus torpaq sahəsini əlimizdən alırlar.Ortada bu cinayəti təsdiq edən konkret saxta sənədlər var. Amma, həmin cinayət işinin üstü pul gücünə ört-basdır edilir.
Mən 30 sentyabr 2016-cı il tarixdə Zərdab rayonunda, Əmlak Məsələləri Dövlət Komitəsinin sədri Kərəm Həsənovun qəbulunda oldum və şikayət ərizəmi ona təqdim etdim. O, məni dinlədi və saxtakarlıq etmiş 16 saylı dövlət reyestr xidmətinin vəzifəli əməkdaşları Rövşən Həmidovun və Şahəddin Tacəddinovun barəsində qanunu tədbirlər görülməsinə də tapşırıq verdi. Bundan sonra komitə sədrinin tapşırığına əsasən, araşdırmanı barəsində şikayət etdiyim Rövşən Həmidovun özü və onunla yaxın münasibətdə olan vəzifəli şəxslər aparıb, məhz edilmiş saxtakarlığa haqq qazandırdılar.Hansı qanuna əsasən saxtakarlıq etmiş şəxs özü barəsində obyektiv araşdırma aparır. Amma həqiqət budur ki, Rövşən Həmidov və Şahəddin Tacəddinov vəzifə səlahiyyətlərindən sui-istifadə edərək, sənədləri qəsdən saxtalaşdırmışdılar.
Qeyd edim ki, bizim ailəyə qarşı torpaq iddiası qaldırıan Göyçay rayonu Cəyirli kənd sakini Səfaralıyev Fərhad Xəlil oğlunun adına verilmiş 08.02.2011-ci il tarixli № 003779 nömrəli torpaq sahəsinin plan və ölçüsü sənədində, Daşınmaz Əmlakın Dövlət Reyestri Xidmətinin 16 saylı ərazi idarəsinin əməkdaşı Rövşən Həmidovla, Şahəddin Tacəddinov Göyçay rayon sakini Fərhad Səfəralıyevlə əlaqəyə girərək, ondan 5000 manat rüşvət alaraq həmin sənədi saxtalaşdırmışlar və buna əsasən də məhkəməyə rəy göndərmişlər.Həmin saxta sənədlər əsasında isə, Göyçay rayon Məhkəməsi 11 aprel 2016-cı il tarixdə qətnamə çıxararaq Fərhad Səfaralıyevə məxsus 27ha torpaq sahəsinin bizim tərəfimizdən zəbt edilməsi qət edilmişdir. Xahiş edirəm Kİ, diqqət yetirin. Göyçay rayonu Cəyirli kənd sakini Səfaralıyev Fərhad Xəlil oğlunun adına verilmiş eyni tarixli 08.02.2011-ci il tarixli eyni nömrəli № 003779 nömrəli torpaq sahəsinin plan və ölçüsü sənədi iki ədəddir.Fərq isə koordinatlarındakı ölçülərdir ki, bunu Rövşən Həmidov 5000 manat rüşvət hesabına etmişdir.Bu cinayət əməlidir və araşdırılıb dərhal cinayət işi başlanılmasına dair qərar da çıxarılmalıdır. Mən təkrar olaraq 28 oktyabr 2016-cı il tarixdə Sabirabad rayonunda Kərəm Həsənovun qəbuluna getdim. Mənə sədrin birinci müavini Yusif Qəmbərov Kərəm Həsənovun qəbuluna düşməyə imkan vermədi və dedi ki, “sənədləri sən özün saxtalaşdırmısan”.Sonradan mənə bildirdilər ki, Rövşən Həmidov və Şahəddin Tacəddinov vəzifədə qalmaları üçün, Yusif Qəmbərova küllü miqdarda pul veriblər.Buna görə də Yusif Qənbərov cinayətkar işçilərini qorumaq üçün, mənə Kərəm Həsənovun qəbuluna düşməyə qəsdən imkan vermədi və utanmadan mənə şər atdı. Bu adamın və onun himayə etdiyi cinayətkarların qollarına qandal vurulmalıdır. Həmin sənədləri saxtalaşdıranın da, yalan deyənin də, Allah balasın əlindən alsın, cəzasın versin!.
Rövşən Həmidovun və Şahəddin Tacəddinovun cinayət əməli nəticəsində 5 ildir ki, həmin torpaq üzərində məhkəmə mübahisəsi gedir. Əslində isə, həmin 68 ha torpaq sahəsi bizim qanunu əmlak payımızdır.
Hörmətli Prezident və cənab Kərəm Həsənov!
Sizdən xahiş edirəm ki, rüşvət alıb saxta sənədlər tərtib etmiş Daşınmaz Əmlakın Dövlət Reyestri Xidmətinin 16 saylı ərazi idarəsinin əməkdaşları Rövşən Həmidovun, Şahəddin Tacəddinovun və onları himayə edən və bu gün Əmlak Məsələləri Dövlət Komitəsinin sədr müavini vəzifəsini daşıyan Yusif Qəmbərov barəsində təcili, ciddi tədbirlər görəsiniz.Onların cəzasız qalmaları, yəqin ki, bundan sonra bir çox cinayətlər hadisələrinin törədilməsinə şərait də yaradılacaq”. Adi çəkilən şəxslərin də mövqeyini dinləyə bilərik.
Mövzu diqqətimizdədir.
Mirzə