Dövlət Dəniz Administrasiyasında anarxiya
Sərxan Abbasov: “Məndə mötəbər subutlar var ki, oğlum Elxanın işdən çıxarılmasına dair ərizəni, ona məcbur yazdırıblar”

Ucar rayonu 20 Yanvar küçəsi, dalan-2, ev-12 ünvanında yaşayan sakin Abbasov Sərxan Sirac oğlu tərəfindən “Gündəm Xəbər”ə ünvanlanan şikayət ərizəsini oxuduqca, Dövlət Dəniz Administrasiyasında nələrin baş verməsindən az-çox xəbərdar olmaq mümkün olur. Belə ki, o, yazaraq bildirir ki, “oğlum Sıraclı Elxan Sarxan oğlu Dövlət Dəniz Administrasiyasının Dəniz Üzgüçülük Təsərrüfatı Bölməsinin müdiri vəzifəsində işləyirdi. 29 avqust 2016-cı il tarixdə heç bir əsas olmadan onun işdən çıxarılmağına dair məcburi ərizə yazdırırlar. Bu da oğlumun əmək hüquqlarının kobud şəkildə pozulmasıdır, ciddi qanunsuzluq faktıdır.
Belə ki, oğlum Elxan iki ildir ki, Dövlət Dəniz Administrasiyasının Dəniz Üzgüçülük Təsərrüfatı Bölməsinin müdiri vəzifəsində işləyirdi. 07 avqust 2016-cı il tarixdən 18 avqust 2016-cı il tarixə qədər məzuniyyətdə olmayıb. İşlədiyi müddət ərzində işində heç bir nöqsanı da olmayıb. 29 avqust 2016-cı il tarixdə Dövlət Dəniz Administrasiyasının rəis müavini Ehtiram Rəhimov oğlum Elxanı iş otağına çağıraq deyib ki, “rəis Qüdrət Qurbanov sənin öz ərizənlə işdən çıxarılmağını tələb edir. Ərizənlə işdən çıxmalısan, əks təqdirdə başqa vasitələrlə səni şərləyib işdən çıxaracağıq”. Oğlum Elxan məcbur olub da işdən çıxması barədə diktə ilə ərizə yazıb.


Dövlət idarəsini öz şəxsi mülkləri hesab edən bu şəxslərin əməlləri obyektiv yoxlanılmalı və qanunsuz olaraq məcburi qaydada hədə-qorxu ilə işindən kənarlaşdırıldığı üçün, oğlum Elxan işinə bərpa olunmalıdır. Oğlumun işlədiyi vəzifəyə Dövlət Dəniz Administrasiyasının Dəniz Üzgüçülük Təsərrüfatı Bölməsinin müdiri vəzifəsinə isə, Dövlət Dəniz Administrasiyasında şöbə müdiri işləyən Əhməd İsmayılovun əmisi oğlu Elməddin İsmayılovu təyin edirlər. Bu cür çirkin planı əvvəlcədən hazırlamışlar. Məndə mötəbər subutlar var ki, oğlum Elxanın işdən çıxarılmağına dair ərizəni ona məcbur yazdırıblar. Belə ki, bir ata olaraq zəng edib rəis müavini Etiram Rəhimovla danışan zaman o etiraf etdi ki, rəis Qüdrət Qurbanovun birbaşa göstərişi idi, mən də icra etməli idim. Birincisi odur ki, mən kiməm?.Bu telefon danışığının audio yazısı da var.
Oğlumun işdən çıxması barədə rəisin birbaşa göstərişi olub.Bunu rəis müavini Etiram Rəhimov da səmimi etiraf edib ki, buna dair konkret subutu araşdırma zamanı Sizə təqdim edəcəyəm. Bu da bir cinayətidir ki, oğluma qarşı ediblər.
Hal-hazırda Dövlət Dəniz Administrasiyası rəhbərliyinin qanunsuz əməllərinə görə oğlum işsizdir.Himayəsində üç övladı var. Böyük övladı ali təhsil alır, həm də Bakı şəhərində kirayədə yaşayırlar.Ailəsində heç kəs işləmədiyindən, ölüm təhlükəsi ilə üz-üzə qalıblar.
Mən özüm 25 il Dövlət Yol Polisi İdarəsində işləmişəm.Mərhum prezidentimiz Heydər Əliyevi 1974-cü ildən 1980-cı ilə qədər müşaiyət etmişəm. İkinci dəfə hakimiyyətə qayıtdıqdan sonra, Naxçıvanda onunla görüşmüşəm. Bu gün altı övladım onsəkkiz nəvəm var.İşdən çıxarılmış oğlumun ailəsinə aldığım pensiya ilə mən baxıram.Oğlum da, mən də prezident İlham Əliyevə, nazir Səlim Müslümova və Əmək Müfəttişliyinin rəisi cənab Fuad Əlizadəyə şikayət ərizəsi ilə müraciət edib, tədbir görmələrini xahiş etmişik. Mətbuat vasitəsi ilə də müraciət edərək xahiş edirəm ki, şikayət ərizəmdə göstərdiyim faktları tam, hərtərəfli və obyektiv araşdırıb, Dövlət Dəniz Administrasiyası rəhbərliyinin qanunsuz addımları ilə bağlı müvafiq tədbirlər görəsiniz. Oğlum Sıraslı Elxanın əvvəlki işinə bərpa edilməsinə yaxından köməklik göstərəsiniz.

Cəfər